کھلنے سے پہلے ہی بند ہو گیا بی جے پی میں این ڈی تیواری کا دروازہ

Source: S.O. News Service | By Safwan Motiya | Published on 23rd January 2017, 11:48 AM | ملکی خبریں |

نئی دہلی،22؍جنوری (ایس اونیوز/آئی این ایس انڈیا)کانگریس کے بزرگ لیڈر اور اتراکھنڈ، یوپی کے سابق وزیراعلیٰ نارائن دت تیواری کی بی جے پی سے قربت اپنے انجام کونہیں پہنچی سکی ۔امکان تھا کہ بی جے پی ان کے بیٹے روہت شیکھر کو ہلدوانی سے اسمبلی کا ٹکٹ دے گی، لیکن ہفتہ کی دیر رات جاری کی گئی بی جے پی کی اتراکھنڈ اسمبلی انتخابات کی دوسری اور آخری فہرست میں ان کی جگہ نہیں مل سکی۔بدھ کو این ڈی تیواری نے اپنی بیوی اجولا اور بیٹے روہت شیکھر کے ساتھ پارٹی صدر امت شاہ سے ملاقات کی تھی، اس کے بعد سوشل میڈیاپربی جے پی کی زبردست تنقید شروع ہو گئی تھی، پارٹی کا خوب مذاق اڑایا گیاتھا۔یہ سوال بھی پوچھا گیا کہ 91سال کے تیواری کو ساتھ لے کر بی جے پی نوجوانوں کو کیا پیغام دینا چاہتی ہے۔حالانکہ شام ہوتے ہوتے پارٹی نے صفائی دی تھی کہ تیواری بی جے پی میں شامل نہیں ہوئے ہیں اور صرف ان کے بیٹے ہی شامل ہوئے ہیں۔پارٹی ذرائع نے یہ اشارہ بھی دیاتھا کہ روہت شیکھرکوہلدوانی سیٹ سے امیدواربنایاجاسکتاہے۔پارٹی لیڈروں کے مطابق خود تیواری نے بی جے پی کی حمایت کرنے کی خواہش کااظہار کیا ہے، لیکن ہفتہ کی دیر رات جاری کی گئی اتراکھنڈ کی بی جے پی کی دوسری اور آخری فہرست میں ہلدوانی سے جوگیندر روتیلا کو ٹکٹ دیا گیا ہے۔اس طرح ریاست کی تمام 70اسمبلی سیٹوں کے لیے پارٹی امیدواروں کے نام کا اعلان کر دیا گیا ہے ۔مانا جا رہا ہے کہ تیواری کو لے کر پارٹی کی رسوائی کے بعد بی جے پی نے ان سے دوری بنانے کا فیصلہ کیا ہے۔تیواری کے خاندان میں بھی ان کے اس قدم کو لے کر اختلاف رائے تھا۔ان کے خاندان کے کچھ ارکان نے عوامی طور پر اس بات پر تعجب کا اظہار کیا تھا کہ زندگی بھر کانگریس کی خدمت کرنے کے بعد تیواری اس عمر میں پارٹی کس طرح چھوڑ سکتے ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...