خشوگی کیس میں ملوث افراد کیخلاف عدالتی کارروائی سعودی عرب میں ہو گی: عادل الجبیر

Source: S.O. News Service | By Staff Correspondent | Published on 27th October 2018, 7:13 PM | عالمی خبریں | خلیجی خبریں |

ریاض 27اکتوبر ( آئی این ایس انڈیا ؍ایس او نیوز)سعودی عرب کے وزیر خارجہ عادل الجبیر کا کہنا ہے کہ مشرق وسطی میں دو ویڑن موجود ہیں۔ ان میں پہلا سعودی عرب کا روشن ویڑن اور دوسرا ایران کا تاریک ویژن ہے۔ انہوں نے واضح کیا کہ اس بات کا حقیقی ادراک ہے کہ ایران دہشت گردی کی سرپرستی کرنے والی سب سے بڑی ریاست ہے۔سعودی وزیر خارجہ نے یہ بات بحرین میں منعقد سالانہ سکیورٹی کانفرنس ’’منامہ ڈائیلاگ‘‘ کیسعودی عرب کے وزیر خارجہ عادل الجبیر کا کہنا ہے کہ مشرق وسطی میں دو ویڑن موجود ہیں۔ ان میں پہلا سعودی عرب کا روشن ویڑن اور دوسرا ایران کا تاریک ویژن ہے۔ انہوں نے واضح کیا کہ اس بات کا حقیقی ادراک ہے کہ ایران دہشت گردی کی سرپرستی کرنے والی سب سے بڑی ریاست ہے۔سعودی وزیر خارجہ نے یہ بات بحرین میں منعقد سالانہ سکیورٹی کانفرنس ’’منامہ ڈائیلاگ‘‘ کے موقع پر بحرین کے وزیر خارجہ شیخ خالد بن احمد بن محمد آل خلیفہ کے ساتھ ایک پریس کانفرنس میں کہی۔ ہفتے کے روز شروع ہونے والی اس کانفرنس میں عرب اور بین الاقوامی قیادت اور ذمّے داران کی ایک بڑی تعداد شریک ہے۔الجبیر کے مطابق سعودی عرب کے امریکا کے ساتھ تزویراتی تعلقات ہیں جو ہرگز تبدیل نہیں ہوں گے۔ انہوں نے کہا کہ ٹرمپ انتظامیہ کی پالیسی سمجھ داری اور حقیقت پر مبنی ہے اور خلیجی ممالک اس کو سپورٹ کرتے ہیں۔ترکی میں مقتول سعودی شہری اور صحافی جمال خاشقجی کے قتل کے حوالے سے عادل الجبیر کا کہنا تھا کہ یہ معاملہ ہذیانی نوعیت کا بن گیا ہے اور تحقیقات جاری رہنے کے ساتھ حقائق کا انکشاف ہوتا جا رہا ہے۔ انہوں نے بتایا کہ قانون نافذ کرنے والے سعودی حکام تحقیق کے واسطے ترکی میں اپنے ہم منصبوں کے ساتھ مل کر کام کر رہے ہیں۔ سعودی وزیر خارجہ کے مطابق خاشقجی کیس میں ملوث افراد کے خلاف عدالتی کارروائی مملکت میں ہو گی۔سعودی عزیر خارجہ نے مزید کہا کہ "مشرق وسطی میں امن عمل نا گزیر اور اسرائیل کے ساتھ تعلقات کی کنجی ہے۔ میں سمجھتا ہوں یہ صرف اسی صورت ممکن ہے جب اْس امن عمل پر عمل د رآمد کیا جائے جس کی بنیاد 2002 میں بیروت کے عرب سربراہ اجلاس میں پیش کیا گیا امن منصوبہ ہے۔الجبیر کا کہنا تھا کہ باراک اوباما کی جانب سے شامی اپوزیشن کو مسلح کرنے میں ہچکچاہٹ کے سبب روس کو شام میں مداخلت کا موقع مل گیا۔سعودی وزیر خارجہ نے واضح کیا کہ ہم نے کوشش کی کہ قطر کے ساتھ اختلافات سے خلیج تعاون کونسل متاثر نہ ہو۔ انہوں نے بتایا کہ مشرق وسطی کے تزویراتی اتحاد کے حوالے سے بات چیت کا سلسلہ جاری ہے۔عراق کے حوالے سے الجبیر کا کہنا تھا کہ ہم عراق میں سرمایہ کاری کی کوشش کر رہے ہیں اور بغداد کے ساتھ تعلقات کو مضبوط بنانا چاہتے ہیں۔انقرہ کے ساتھ تعلقات کے حوالے سے سعودی وزیر خارجہ کا کہنا تھا کہ ترکی ایک دوست ملک ہے اور تجارت اور سرمایہ کاری کے میدان میں ہمارے اْس کے ساتھ اچھے تعلقات ہیں۔اس موقع پر بحرین کے وزیر خارجہ خالد آل خلیفہ نے کہا کہ منامہ حکومت اب بھی خلیج تعاون کونسل کو علاقائی استحکام کا ستون بنانے پر کاربند ہے۔ انہوں نے مزید کہا کہ سعودی عرب استحکام کی جائے پناہ اور خطّے کے لیے مستقبل کا ویژن ہے۔ آل خلیفہ کے مطابق مسئلہ فلسطین کے حوالے سے سلطنت عمان کے سلطان قابوس کی دانش پر کوئی شک نہیں۔
 

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...

دبئی میں راہل نے اخبار نویسوں سے کہا؛ ’بی جے پی مشتعل اور غیر روادار؛ کررہی ہے ہمارے اداروں کو برباد؛ مگر ہم اب اُنہیں ایسا کرنے دیں گے

متحدہ عرب امارات کے دورہ پر پہنچے راہل گاندھی نے دبئی میں پریس کانفرنس سے خطاب کرتے ہوئے مودی حکومت پر راست حملہ کیا اور  کہ  ’’بی جے پی مشتعل اور غیر روادار ہو رہی ہے اور ہمارے اداروں کو برباد کر رہی ہے، جیسا کہ  سپریم کورٹ ، ریزرو بینک اور الیکشن کمیشن   آف انڈیا  میں ...

دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا ...

ایران سے رہا ہونے والے سبھی ہندوستانی ماہی گیر خیروعافیت کے ساتھ دبئی پہنچ گئے

کل منگل کو ایرانی عدالت کے حکم سے رہا ہونے والے ضلع اُتر کنڑا کے 18 ماہی گیر سمیت جملہ 28 ماہی گیروں کی دونوں بوٹ  آج بدھ رات کو خیر و عافیت کے ساتھ دبئی پہنچ گئی۔ جس کے ساتھ ہی سبھی ماہی گیروں کے گھروالوں اور دوست احباب میں خوشی کی لہر دوڑ گئی ہے۔

دبئی کے قریب عجمان گراونڈ میں جمعہ سے شروع ہورہا ہے نوائط پریمئر لیگ کا شاندار کرکٹ ٹورنامنٹ

بھٹکل کمیونٹی کا T20کرکٹ مقابلہ ’ایز ٹیکس نوائط پریمیئر لیگ‘ (این پی ایل) نام سے 4جنوری جمعہ کے دن 4بجے عجمان میں شروع ہوگا۔ اس بات کی اطلاع این پی ایل کی جانب سے پریس ریلیز جاری کرتے ہوئے دی گئی ہے۔

دبئی میں بی پی ایل کرکٹ ٹورنامنٹ کا 15 مارچ سے ہوگا شاندار آغاز؛5جنوری سے ہوگا ٹیموں کا اندراج، وزٹ ویزا پردبئی میں موجود کھلاڑیوں کے لئے بھی سنہرا موقع

دبئی میں بھٹکل پریمئیر لیگ  المعروف  بی پی ایل کرکٹ کا آٹھواں ٹورنامنٹ  مورخہ 15 مارچ 2019 ؁ سے شروع ہوگا، البتہ بی پی ایل کے لئے ٹیموں کا اندراج 3/ جنوری سے شروع ہوگا۔ اس بات کی اطلاع  ٹورنامنٹ کے کمشنر    جوکاکوشمس الدین ضیاء نے دی۔

ایران میں بوٹ میں نظر بند بھٹکل سمیت اُترکنڑا کے ماہی گیر بہت جلد رہا ہونے کی توقع

دبئی سے ماہی گیر ی کے دوران  ایران سرحد پارکرنے کے الزام میں  ایران نیوی  کی تحویل میں بوٹ میں ہی نظر بند بھٹکل ، کمٹہ سمیت اترکنڑا ضلع کے 18ماہی گیر وں کی رہائی کے لئے جاری قانونی کارروائی آخری مراحل میں ہے۔