ریاست میں کانگریس دوبارہ اقتدار پر آئے گی:سدرامیا

Source: S.O. News Service | By Jafar Sadique Nooruddin | Published on 19th May 2017, 2:17 AM | ریاستی خبریں |

بنگلورو:18/مئی(ایس او نیوز) وزیر اعلیٰ سدرامیانے کہاکہ آنے والے اسمبلی انتخابات کا سامنا کانگریس متحد ہوکر کرے گی،اور سبھی قائدین مل کر پارٹی کو اقتدار پر لانے کیلئے کام کریں گے۔ انتخابات کی قیادت بھلے ہی وہ کریں گے لیکن وزیراعلیٰ کون ہوگا اس کا فیصلہ کانگریس اعلیٰ کمان کی طرف سے کیا جائے گا۔ انتخابات سے قبل ان امور پر توجہ دے کر وہ عوام میں انتشار پیدا کرنا نہیں چاہتے بلکہ ان کی کوشش یہی ہوگی کہ ریاستی حکومت کی طرف سے عوام کی فلاح وبہبود کیلئے جو بھی منصوبے لاگو کئے گئے ہیں ان کو پوری امانت داری کے ساتھ عوام تک پہنچایا جائے اور انہی کی بنیاد پر آنے والے دنوں میں پارٹی کو اقتدار تک پہنچایا جائے، ریاست کے سبھی قائدین مل کر پارٹی کو اقتدار پر برقرار رکھیں گے۔سدرامیا نے کہاکہ ریاستی بی جے پی اختلافات کی وجہ سے بکھر چکی ہے، انہیں اختلافات پردہ پوشی کیلئے بی جے پی قائدین گروپوں میں بٹ کر خشک سالی سے متاثرہ علاقوں کا دورہ کرنے کا ناٹک کررہے ہیں۔ انہوں نے کہاکہ بی جے پی جھوٹ بولنے کے سبھی ریکارڈ توڑچکی ہے۔ ایسا لگتاہے کہ بی جے پی کو سیاسی میدان میں صرف جھوٹ بولنے کی تربیت ہی دی گئی ہے۔سابق وزیراعلیٰ ایچ ڈی کمار سوامی کے خلاف جاری جنتکل کانکنی معاملہ کی تحقیقات کے بارے میں وزیراعلیٰ نے کہاکہ اس سے ریاستی حکومت کا کچھ لینا دینانہیں۔انہوں نے اس الزام کی تردید کی کہ وہ انتقامی سیاست کررہے ہیں۔ اس موقع پر وزیراعلیٰ سدرامیا نے اشارہ دیاکہ آنے والے اسمبلی انتخابات میں وہ کوپل کے کسی حلقہ سے چناؤ لڑ سکتے ہیں۔ اس سلسلے میں ایک سوال پر سدرامیا نے جواب دیا کہ اگر موقع ملتا ہے تو وہ اس ضلع کے کسی حلقہ سے انتخاب لڑنے کیلئے تیار ہیں۔

ایک نظر اس پر بھی

اداکار پرکاش راج نے پی ایم مودی پر کسا طنز،56 انچ بھول جائیے، 55گھنٹے بھی نہیں سنبھالاجاسکا کرناٹک 

کرناٹک میں محض ڈھائی دن پرانی بھارتیہ جنتا پارٹی (بی جے پی)کی حکومت ہفتہ (19 مئی)کی شام گر گئی۔وزیر اعلی بی ایس یدی یورپا نے یقین نہ کا سامنا کئے بغیر ہی اسمبلی ٹیبل پر اپنے استعفی کا اعلان کر دیا۔

اناملائی دوبارہ چکمگلور کے ایس پی مقرر

بی ایس یڈی یورپا کے وزیر اعلیٰ بننے کے بعد رام نگرم ضلع کے ایس پی کی حیثیت سے تبادلہ کردئے گئے چکمگلور ضلع کے سپرنٹنڈنٹ آف پولیس کے اناملائی کو پھر سے چکمگلور کے ایس پی کے طور پرتبادلہ کیا گیاہے۔

لوک سبھا انتخابات میں بی جے پی تمام 28 حلقوں میں کامیاب ہوگی 10 سال تک ریاست بھر کا دورہ کرکے پارٹی کو مضبوط بناؤں گا : یڈی یورپا

سابق وزیر اعلیٰ و بی جے پی کے ریاستی صدر بی ایس یڈی یورپا نے دعویٰ کیا ہے کہ لوک سبھا انتخابات میں ان کی پارٹی تمام 28 حلقوں میں کامیابی حاصل کرکے وزیر اعظم نریندر مودی کو تحفہ کے طور پر دینے کیلئے وہ تیار ہیں ۔

کرناٹک اسمبلی انتخابات میں ’نوٹا‘ چوتھے مقام پر جنوبی بنگلورو میں 15,829 ووٹروں نے نوٹا کو ترجیح دی ہے

اسمبلی انتخابات میں پہلی مرتبہ الیکٹرانک ووٹنگ مشین میں ’نوٹا‘ کو چوتھا مقام حاصل ہوا ہے ۔ جملہ 26 حلقوں میں سے 24 حلقوں میں نوٹا کو چوتھے مقام پر دیکھا گیا ہے ۔ کانگریس، بی جے پی اور جے ڈی ایس کے بعد ووٹروں نے ’نوٹا‘ کو اگلی ترجیح دی ہے ۔

کانگریس ۔جے ڈی ایس حکومت کب تک قائم رہ سکے گی؟

کرناٹک کے انتخابات میں سٹے بازوں نے جب ریاست میں مستحکم حکومت دینے کے لئے بی جے پی پر داؤ لگایا تھا تو انہیں نقصان ہوا لیکن اب یہی سٹے باز اس پر بات کررہے ہیں کہ کانگریس ۔جے ڈی ایس اتحاد کب تک چلے گا۔

کرناٹک میں پہلی بار مسلم نائب وزیراعلیٰ، آج کمار سوامی کی دہلی میں سونیا اور راہل سے ملاقات

کرناٹک کے وزیراعلیٰ کے طورپر حلف برداری سے قبل جے ڈی ایس لیڈر ایچ ڈی کمار سوامی پیر کے روز نئی دہلی میں کانگریس لیڈروں سونیاگاندھی اور راہل گاندھی سے ملاقات کریں گے اور حکومت کی تشکیل کے سلسلہ میں تبادلہ خیال کریں گے۔ ریاست کے 25ویں وزیراعلیٰ کے طورپر حلف برداری کے لیے تیار ...