اتر پردیش کے وزیراعلیٰ اور وزیرصحت کے استعفیٰ سے کچھ کم منظورنہیں، کانگریس نے دباؤبنا یا، غلام نبی آزاد سمیت کانگریسی لیڈروں نے اسپتال کا دورہ کیا

Source: S.O. News Service | By Jafar Sadique Nooruddin | Published on 13th August 2017, 1:32 AM | ملکی خبریں |

گورکھپور:12/اگست(ایس او نیوز/آئی این ایس انڈیا)گورکھپور میڈیکل کالج میں حادثے کے بعد سینئر لیڈر غلام نبی آزاد کی قیادت میں کانگریس کے وفد نے موقع پر پہنچ کر حالات کا جائزہ لیا۔ اس موقع پر غلام نبی آزاد نے کہا کہ یوپی حکومت کی لاپرواہی سے یہ حادثہ ہوا. ہسپتال میں آکسیجن کی کمی تھی۔ اس وفد میں آزاد کے علاوہ، آر پی این سنگھ، راج ببر اور پرمود تیواری موجود تھے۔ قابل ذکر ہے کہ گورکھپور میں گزشتہ پانچ دنوں میں 60 بچوں کی دردناک موت نے کئی سوال کھڑے کر دیے ہیں۔ جان گنوانے والے بچوں میں 5 نوزائیدہ بھی تھے۔جبکہ یوپی حکومت کا کہنا ہے کہ آکسیجن کی کمی سے موت نہیں ہوئی۔ 9 تاریخ کی آدھی رات سے لے کر 10 تاریخ کی آدھی رات کو 23 اموات ہوئیں جن میں سے14 اموات نو نیٹل وارڈ یعنی نومولود بچے کو رکھنے کے وارڈ میں ہوئی۔ہسپتال کے ذرائع کہتے ہیں کہ آکسیجن کی سپلائی میں رکاوٹ ہونے سے بچوں کی موت ہوئی ہے۔ یہ ہسپتال پردیش کے وزیراعلیٰ یوگی آدتیہ ناتھ کے آبائی ضلع میں آتاہے۔ پچھلی 9۔10 تاریخ کوخودوزیراعلیٰ نے اس ہسپتال کادورہ کیاتھا۔ اس کے بعدبھی اس طرح کی لاپرواہی سامنے آئی ہے۔ اس واقعہ پراپوزیشن جماعتوں نے سخت ردعمل کااظہارکیاہے۔سماجوادی پارٹی اورکانگریس نے اتر پردیش کے وزیرصحت کے استعفیٰ کامطالبہ کیاہے۔

ایک نظر اس پر بھی

اگرپاکستانی الیکشن میں مداخلت کررہاہے تواین آئی اے کیاکررہی ہے، اسدالدین اویسی کاسوال ،بنکاک میں پاکستان کے ساتھ مجوزہ میٹنگ کی تفصیلات بتائیں مودی

حیدرآبادکے رکن پارلیمنٹ و صدر کل ہند مجلس اتحاد المسلمین بیرسڑاسد الدین اویسی نے کہا ہے کہ گجرات کے انتخابی جلسوں میں جس طرح کی زبان وزیراعظم نریندر مودی استعمال کر رہے ہیں، اس پر ان کو کوئی تعجب نہیں ہوا ہے۔

خبطی ’ وکاس‘ کا تازہ ترین سروے ، مہنگائی آسمان پر ،اشیاء خوردنی کی قیمتوں میں اضافہ ، نومبر میں شرح 15 ماہ بلند سطح پر

سبزیاں، پھل او ر انڈوں کی قیمتوں میں بے تحاشہ اضافہ کی بری خبر ہے ۔ دن رات ٹی وی ڈیبیٹ نے عوام کو اس قدر غافل اور نکما کر دیا ہے کہ آج ہونے والے ہندو۔ مسلم موضوع پر پارٹی کے بکواس ترجمان کی ہنگامہ آرائی کو تو یاد رکھتے ہیں ؛