رکن راجیہ سبھا ناصر حسین نے کرناٹک کے ضمنی انتخابات کے نتائج پر کہا، بی جے پی کے زوال کا آج سے ہوا آغاز

Source: S.O. News Service | By Staff Correspondent | Published on 7th November 2018, 11:22 PM | ریاستی خبریں |

بنگلورو۔ 7 نومبر (ایس او نیوز) رکن راجیہ سبھا ڈاکٹر سیدناصر حسین نے آج ضمنی انتخابات میں حکمراں اتحاد کی شاندار کامیابی کو بی جے پی کے زوال کا آغاز قرار دیتے ہوئے بتایا کہ ان نتائج سے ظاہر ہوگیا ہے کہ اگر سیکولر ووٹ متحدد ہوگئے تو فرقہ پرستوں کا وجود ختم ہوجائے گا۔

اپنے آبائی ضلع بلاری میں مسلسل 20 دنوں تک کانگریس امیدوار وی یس اگرپا کے لئے کے پی سی سی صدر دنیش گنڈو راؤ، وزیر آبی وسائل ڈی کے شیوکمار کے علاوہ سینئر مسلم قائدین آر روشن بیگ، سی ایم ابراہیم، نصیر احمد، عبدالجبار، یو ٹی قادر وغیرہ کے ہمراہ انتخابی مہم چلانے والے ناصر حسین نے بتایا کہ بلاری کے مسلمانوں نے بڑے پیمانے پر ووٹنگ کی، جہاں اوسط پولنگ 62 فیصد درج ہوئی ہے، وہیں مسلمانوں کی ووٹنگ شرح 70 فیصد سے زائد ہے۔ انہوں نے بتایا کہ انتخابات سے قبل ان کی قیادت میں جگہ جگہ اقلیتوں کے اجلاس منعقد ہوئے تھے، جس میں پارٹی صدر دنیش گنڈو راؤ نے بھی شرکت کی تھی۔ علاوہ ازیں عمائدین و ذمہ داران مساجد کے اجلاس میں فیصلہ لیا گیا تھا کہ خطبات جمعہ کے ذریعے ووٹنگ کی اہمیت اجاگر کی جائے۔ وہاں کے مسلمان اس بات سے خوش ہیں کہ 70 سال بعد ایک مسلمان کو راجیہ سبھا کا رکن بنایا گیا ہے، اور ان انتخابات کے ذریعے وہاں کے مسلمانوں نے کانگریس پارٹی کا شکریہ ادا کیا ہے۔انتخابی مہم کے دوران بھی مذکورہ مسلم قائدین نے کھلے الفاظ میں اس بات کا اعتراف بھی کیا تھا کہ صرف کانگریس پارٹی کے ذریعے ہی مسلمانوں کو سیاسی نمائندگی مل سکتی ہے۔

انہوں نے بلاری میں انتخابی مہم چلانے والے تمام مسلم قائدین کا شکریہ ادا کرتے ہوئے بتایا کہ پارٹی کے مسلم قائدین نے متحد ہوکر کانگریس امیدوار کی کامیابی کے لئے جدوجہد کی۔

ایک نظر اس پر بھی

مسلمان مجھے ووٹ دیں یا نہ دیں لیکن میرے لئے دعا ضرورکرتے ہیں: مرکزی وزیر سدانند گوڑا کا بیان

بنگلورو نارتھ حلقے کے موجودہ ایم پی اور مرکزی وزیر ڈی وی سدانند گوڑا نے یہاں اپنی انتخابی مہم شروع کردی ہے۔ حالانکہ  بی جے پی نے ابھی اپنے امیدواروں کے ناموں کا اعلان نہیں کیا ہے۔ لیکن ڈی وی سدانند گوڈا اپنے حلقے کے مختلف علاقوں کا دورہ کررہے ہیں اور آنے والے الیکشن میں بی جے ...

’’مودی ،نوٹوں کی طرح آئین بھی بدلنا چاہتے ہیں‘‘ کلبرگی میں راہل نے کھولی ’’میں بھی چوکیدار‘‘ مہم کی پول

  نریندر مودی نے جس طرح 500اور 1000 کے کرنسی نوٹوں کو منسوخ کیا اسی طرح اس ملک کے آئین کو بھی بدلنے کی کوشش کررہے ہیں ۔ان کے اس مشن کو کانگریس کامیاب نہیں ہونے دے گی۔اس بات کا الزام  کانگریس قائد راہول گاندھی نے کیا۔ راہول نے   الزام لگایا کہ ریزروبینک آف انڈیا کی منظوری کے بغیر ہی ...

دیشپانڈے نے شمالی کینرا سیٹ جنتادل ایس کے پاس گروی رکھ دی۔ کانگریس کارکنان کا الزام

ضلع شمالی کینرا کی سیٹ پر الیکشن لڑنے کے لئے کانگریس کے لئے ووٹ کرنے والوں کی اکثریت ہونے کے باوجود اس سیٹ کو جنتادل ایس کے لئے چھوڑ دینا اب شاید کانگریس پارٹی کے لئے بھاری پڑتا جارہا ہے، کیونکہ دن بہ دن پارٹی کے کارکنان میں بے چینی بڑھتی جارہی ہے اور وہ ضلع انچارج وزیر آر وی ...