آنگن واڑی کارکنوں کے مسئلہ پر سدرامیا کے خلاف تحریک مراعات پیش،اسپیکر نے اپوزیشن کی تحریک پر اپنا فیصلہ محفوظ کرلیا

Source: S.O. News Service | By Jafar Sadique Nooruddin | Published on 23rd March 2017, 10:15 PM | ریاستی خبریں | ان خبروں کو پڑھنا مت بھولئے |

بنگلورو:23/مارچ(ایس او نیوز)وزیر اعلیٰ سدرامیا کے خلاف آج ریاستی اسمبلی میں بی جے پی کی طرف سے تحریک مراعات پیش کرنے کی کوشش کو اسپیکر کے بی کولیواڈ نے مسترد کردیا۔ آنگن واڑی کارکنوں کو ماہانہ دئے جانے والے مشاہرہ کی رقم میں بی جے پی دور اقتدار میں اضافہ نہ کئے جانے کے متعلق وزیراعلیٰ سدرامیا کی طرف سے اسمبلی میں کئے گئے دعویٰ کو گمراہ کن قرار دیتے ہوئے اپوزیشن لیڈر جگدیش شٹر نے تحریک مراعات پیش کی۔ انہوں نے کہاکہ سدرامیا نے اپنے بیان میں کہاتھاکہ بی جے پی حکومت نے آنگن واڑی کارکنوں کے مشاہرہ میں ایک پیسے کا بھی اضافہ نہیں کیا، جبکہ حقیقت کچھ اور ہی ہے۔ ایوان کو گمراہ کرنے کا الزام لگاتے ہوئے جگدیش شٹر نے تحریک مراعات شکنی پیش کی، اس پر اسپیکر کے بی کولیواڈ نے اپنے فیصلے کو محفوظ کرلیا۔ ایوان میں اس مسئلے پر زور دار بحث ومباحثہ کے دوران اسپیکر نے اعلان کیا کہ اس فیصلے کو وہ فی الوقت محفوظ کرتے ہیں بعد میں اس کا اعلان کیا جائے گا۔اس سے قبل آج جیسے ہی کارروائی شروع ہوئی جگدیش شٹر نے کہاکہ بی جے پی کے دور اقتدار میں آنگن واڑی کارکنوں کے مشاہرہ کی رقم میں اضافہ کیا گیا ہے، وزیراعلیٰ سدرامیا نے اس حقیقت کو نظر انداز کرتے ہوئے دعویٰ کیاہے کہ بی جے پی کے دور اقتدار میں آنگن واڑی کارکنوں کے مشاہرہ میں ایک پیسے کا بھی اضافہ نہیں ہوا ہے۔ چونکہ انہوں نے ایوان کو جھوٹی اطلاع دی ہے، اسی لئے ان کے خلاف تحریک مراعات پیش کرنے کا فیصلہ کیا گیا ہے اسپیکر اس کی اجا زت دیں۔انہو ں نے کہاکہ اس تحریک کے متعلق اسپیکر کو پہلے ہی نوٹس دی جاچکی ہے، اسی لئے انہیں اس کی اجازت دینی ہوگی۔ انہوں نے کہا کہ وزیراعلیٰ سدرامیا نے اس مسئلے پر جواب دیتے ہوئے بار بار پچھلی بی جے پی حکومت پر نکتہ چینی کی اور ایوان کو جھوٹی باتیں بتائیں۔اس سے اراکین کی حق تلفی ہوئی ہے۔جھوٹی معلومات فراہم کرکے وزیر اعلیٰ نے ایوان کو گمراہ کیا ہے، اسی لئے ضابطہ 191 اور 192کے تحت ان کے خلاف تحریک مراعات کا نوٹس داخل کیاگیا ہے۔ اس مرحلے میں وزیراعلیٰ سدرامیا کی طرف سے دئے گئے بیان کو دہراتے ہوئے اسپیکر نے کہا کہ افسران کی طرف سے انہیں جو کچھ بتایا گیا وزیر اعلیٰ نے یہ بات ایوان کو بتائی ہے۔ وزیر اعلیٰ نے خود واضح کیا ہے کہ بی جے پی کے دور اقتدار میں مشاہرہ میں کچھ اضافہ ضرور کیاگیا ہے، لیکن موجودہ حکومت نے اس سے زیادہ اضافہ کیا ہے۔ اسی لئے وزیر اعلیٰ کی اس وضاحت کے ساتھ ان پر مراعات شکنی کا معاملہ دائر نہیں کیا جاسکتا۔ اس مرحلے میں وزیر قانون ٹی بی جے چندرا نے اعتراف کیا کہ طیش کے عالم میں ہوسکتا ہے کہ وزیر ا علیٰ کی زبان سے ایسا جملہ سرزد ہوگیا ہو تاہم بعد میں انہوں نے اس کی اصلاح بھی کی ہے، اسی لئے تحریک مراعات پیش کرنے کی گنجائش نہیں بنتی۔ تاہم شٹر اس ضد پر قائم رہے کہ وزیر اعلیٰ سدرامیا نے جھوٹ بولا ہے، اسی لئے ان پر تحریک مراعات شکنی چلائی جانی چاہئے۔ ایوان کی کارروائی شروع ہوتے ہی جب شٹر نے یہ معاملہ اٹھایا تو اسپیکر نے ان سے کہاکہ و قفہئ سوالات کے بعد وہ اس معاملے کو اٹھانے کی اجازت دیں گے۔ وقفہئ سوالات کے فوراً بعد شٹر نے یہ معاملہ اٹھایاتو اسپیکر نے پھر کہاکہ چند بلوں کو پیش کرنے کے بعد وہ اس معاملے کواٹھاسکتے ہیں۔ اس مرحلے میں وزیر صحت رمیش کمار نے کہا کہ تحریک مراعات اہمیت کی حامل ہے، اسی لئے اگر اسپیکر اس کی اجازت دینا چاہیں تو دے دیں، باقی معاملات کل نمٹائے جاسکتے ہیں۔ اسپیکر نے اس مرحلے میں تحریک مراعات پیش کرنے کی اجازت دی۔ شٹر کے علاوہ سی ٹی روی اور دیگر بی جے پی اراکین نے الزام لگایا کہ وزیراعلیٰ سدرامیا نے اس مسئلے پر ایوان کو گمراہ کرنے کی کوشش کی ہے۔ اپوزیشن اراکین کے الزامات کا جواب دیتے ہوئے وزیر صحت رمیش کمار نے کہا کہ اس مسئلے پر ایوان میں ایک اچھی بحث ضرور ہوئی ہے، لیکن وہ واضح کردینا چاہتے ہیں کہ سدرامیا کی طرف سے دانستہ طور پر ایوان کو گمراہ نہیں کیاگیا۔ ہوسکتا ہے کہ افسران کی طرف سے مہیا کرائی گئی غلط معلومات کو انہوں نے دہرادیا ہو، اسی لئے محض اعداد وشمار رکھ کر کسی کو اس طرح نشانہ بنانا درست نہیں اور نہ ہی یہ معاملہ مراعات شکنی کے دائرہ میں آتا ہے۔وزیر قانون جئے چندرا نے بھی رمیش کمار سے اتفاق کرتے ہوئے کہاکہ وزیراعلیٰ سدرامیا نے دانستہ طور پر ایسا نہیں کہا ہے۔ جگدیش شٹر نے اس مرحلے میں کہا کہ ذمہ دار عہدہ پر رہنے والے لوگوں کو اس طرح بے صبری کا مظاہرہ نہیں کرنا چاہئے۔ طرفین کو سننے کے بعد اسپیکر کے بی کولیواڈ نے کہاکہ اس تحریک پر انہوں نے اپنا فیصلہ محفوظ کرلیا ہے، اسی لئے اب اس پر مزید بحث فیصلے کے بعد ہی کی جائے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...