امریکی طالبہ کا اسرائیل میں داخلہ یا ملک بدری، فیصلہ عدالت کریگی

Source: S.O. News Service | By S O News | Published on 8th October 2018, 8:26 PM | عالمی خبریں |

مقبوضہ بیت المقدس8اکتوبر ( آئی این ایس انڈیا ؍ایس او نیوز) اسرائیل کی عبرانی یونیورسٹی کی ایک فلسطینی نڑاد امریکی طالبہ کو کئی روز سے "اللد" شہر میں قائم بن گوریون ہوائی اڈے پر حراست میں رکھا گیاہے۔ اسرائیلی حکام کا دعویٰ ہے کہ لارا قاسم اسرائیل کے بائیکاٹ کے لیے جاری عالمی تحریک 'BDS' کی سرگرم رکن ہے اور اسے اسرائیل میں داخل ہونے کی اجازت نہیں دی جاسکتی۔ اطلاعات کے مطابق لارا قاسم کا معاملہ اس وقت اسرائیل کی مرکزی عدالت میں ہے۔ عدالت فیصلہ کرے گی کہ آیا لارا قاسم کو اسرائیل میں داخل ہونے اور عبرانی یونیورسٹی میں تعلیم جاری رکھنے کی اجازت دینا ہے یا نہیں۔ خیال رہے کہ اسرائیلی میڈیا میں آنے والی اطلاعات کے مطابق 22 سالہ لارا قاسم گذشتہ منگل سے 'بن گوریون' ہوائی اڈے پر قید ہے اور اسے اسرائیل داخل ہونے کی اجازت نہیں دی جا رہی ہے۔عبرانی اخبار 'ہارٹز' کے مطابق لارا قاسم کے دادا اور دادی دونوں فلسطینی تھے جو امریکا میں آباد ہوگئے تھے۔ لارا کو اسرائیلی قونصل خانے کی طرف سے تعلیمی ویزہ جاری کیا گیا تھا اور وہ اسی ویزے کے تحت اسرائیل کی عبرانی یونیورسٹی میں داخل ہوئیں مگر امریکا واپس جانے کے بعد اسے دوبارہ اسرائیل میں داخل ہونیسے روک دیا گیا ہے۔ وہ اسرائیلی یونیورسٹی میں ’’ہیومن رائٹس‘‘ کے مضمون میں ایم اے کررہی ہیں۔دوسری جانب انسانی حقوق کے کارکنوں نے لارا قاسم کو ہوائی اڈے پر حراست رکھنے کی شدید الفاظ میں مذمت کی ہے۔ انسانی حقوق کے گروپوں کا کہنا ہے کہ اسرائیل کا فلسطینی نڑاد طالبہ کو روکنا انسانی حقوق کی خلاف ورزی ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...