سلامتی کونسل کے 15 ارکان برما، بنگلہ دیش اور عراق کا دورہ کریں گے

Source: S.O. News Service | By Shahid Mukhtesar | Published on 14th April 2018, 1:00 PM | عالمی خبریں |

نیویارک13اپریل (ایس او نیوز؍ آئی این ایس انڈیا)اقوام متحدہ کے مطابق عالمی سلامتی کونسل کے 15 ارکان 26 اپریل سے 2 مئی تک برما، بنگلہ دیش اور عراق کا دورہ کریں گے۔سلامتی کونسل کئی ماہ سے برما کا دورہ کرنے کے لیے کوشاں ہے جہاں روہنگیا اقلیت سے تعلق رکھنے والے 7 لاکھ افراد اگست 2017 سے فرار ہو کر پڑوسی ملک بنگلہ دیش میں پناہ لینے پر مجبور ہو چکے ہیں۔ یہ نقل مکانی برما کی فوج کی جانب سے کیے جانے والے فوجی آپریشن کے سبب عمل میں آئی۔ اقوام متحدہ نے اس آپریشن کو نسلی تطہیر قرار دیا ہے۔اقوام متحدہ کے سکریٹری جنرل آنتونیو گوتیریس پر لازم ہے کہ برما کا بحران حل کرنے کے لیے ایک خصوصی ایلچی مقرر کریں۔سلامتی کونسل کے رکن سفیروں کے برما کے صوبے راکھین میں جانے کے حوالے سے ایک سفارتی ذریعے کا کہنا ہے کہ "حقائق کی روشنی میں یہ معاملہ بڑا پیچیدہ ہے۔ ہم ہیلی کاپٹر کے ذریعے اس علاقے پر پرواز کا مطالبہ کریں گے"۔ یاد رہے کہ برما کی فوج پر الزام ہے کہ اس نے راخین میں روہنگیا اقلیت کے خلاف وحشیانہ کارروائیوں کا ارتکاب کیا۔ایک دوسرے سفارت کار کے مطابق برما کے دورے کا مقصد پناہ گزینوں کے رہنے کے حالات کو بہتر بنانا، انسانی حقوق کی خلاف ورزیوں کو روکنا اور روہینگا مسلم اقلیت کو ان کی شناخت اور حقوق دینے کے حوالے سے کوفی انان کے منصوبے پر برما کے حکام کے ساتھ بات چیت کرنا ہے۔سلامتی کونسل کے ارکان کے عراق کے دورے کا مقصد 12 مئی کو مقررہ انتخابات کے لیے اقوام متحدہ کی سپورٹ کا اظہار ہے۔

ایک نظر اس پر بھی

انیس عامری ایک ’دہشت گرد سیل‘ کا حصہ تھا: جرمن میڈیا

برلن میں دو برس قبل ایک کرسمس مارکیٹ پر ٹرک کے ذریعے حملہ کرنے والا انیس عامری’تنہا بھیڑیا‘ نہیں تھا بلکہ ممکنہ طور پر اس کا تعلق ایک سلفی سیل سے تھا، جس نے اسے اس حملے میں مدد دی تھی۔جرمن میڈیا پر ہفتے کے روز سامنے آنے والی رپورٹوں کے مطابق برلن کرسمس مارکیٹ حملے کے فقط دو ...

فرانسیسی شہروں میں زرد جیکٹوں والے مظاہرین کا احتجاج

فرانس کے مختلف شہروں میں زرد جیکٹوں والے حکومت مخالف مظاہرین مسلسل پانچویں ویک اینڈ پر احتجاج کے لیے جمع ہیں۔ صدر ایمانوئل ماکروں کی حکومت کے خلاف مظاہروں کا یہ سلسلہ ایندھن کی قیمتوں میں اضافے پر شروع ہوا تھا۔ فرانسیسی دارالحکومت پیرس میں مظاہرین کی پرتشدد کارروائیوں کو ...

سری لنکا کے برخاست وزیراعظم پر پارلیمان کا اعتماد

رواں برس اکتوبر میں برخاست کیے جانے والے سری لنکن وزیراعظم رانیل وکرمے سنگھے نے پارلیمنٹ میں اعتماد کا ووٹ حاصل کر لیا ہے۔ آج بدھ کو ہونے والی رائے شماری میں 225 رکنی ایوان میں وکرمے سنگھے کی حمایت میں 117 اراکین نے ووٹ ڈالا

امریکی فوج نے شمالی شام میں مبصر چوکیاں قائم کر دیں

امریکی وزارت دفاع نے اعلان کیا ہے کہ اْس کی افواج نے شمالی شام میں مبصر چوکیاں قائم کر دیں ہیں۔ اس اعلان میں ان چوکیوں کی تعداد اور مقامات کی وضاحت نہیں کی گئی ہے۔ اسی علاقے میں شامی کردوں کی ملیشیا وائی پی جی ایک بڑے علاقے پر قابض ہے

برطانوی وزیر اعظم کو درپیش قیادت کا چیلنج: کیوں اور کیسے؟

برطانوی پارلیمان کے ارکان نے قدامت پسند وزیر اعظم ٹریزا مے کے خلاف عدم اعتماد کی تحریک پیش کر دی ہے، جس پر رائے شماری آج بدھ بارہ دسمبر کو ہو رہی ہے۔ سوال یہ ہے کہ یہ تحریک پیش کیے جانے کے بعد اب ہو گا کیا ۔برطانوی وزیر اعظم ٹریزا مے نے اسی ہفتے پیر کا دن یورپ کے مختلف ممالک کے ...