کشمیر میں دہشت گردانہ حملہ، تین پولیس اہلکارہوئے شہید ، ایک زخمی
سرینگر:11/دسمبر (ایس او نیوز/آئی این ایس انڈیا)دہشت گردوں نے جموں و کشمیر کے شوپیاں ضلع میں دہشت گردوں نے پولیس ٹیم پر حملہ کیا ہے۔اس حملے میں تین پولیس اہلکار ہلاک ہوئے جبکہ ایک پولیس اہلکار زخمی ہوگئے۔شوپیاں ضلع کے جین پوراعلاقے میں دہشت گردوں نے ایک پولیس ٹیم پر زبردست فائرنگ کی۔اس دوران ڈیوٹی پر تعینات تین پولیس اہلکارہلاک ہوگئے ، جبکہ ایک جوان زخمی ہوگیا،حملے کے بعد دہشت گرد نے پولیس اہلکار کے چار ہتھیاروں کو بھی لوٹ لیا۔حملے کے بعد فوج اور سکیورٹی فورسز نے پورے علاقے کا محاصرہ کرکے حملہ آوروں کے خلاف ایک بڑا آپریشن شروع کیا ہے اور پورے علاقے میں تلاشی مہم جاری ہے تاکہ حملہ آوروں کا پتہ لگایا جا سکے۔گذشتہ دنوں نیم فوجی دستے نے مہم شروع کرکے 2دہشت گردوں کو ہلاک کیاتھا۔اس سے قبل پاکستان کی جنگ بندی کی خلاف ورزی کرکے کی گئی فائرنگ میں دو فوجی شہیدہوگئے تھے۔وادی میں سیکیورٹی فورسز نے اب تک اس سال 227دہشت گردوں کو ہلاک کیا ہے۔شمالی کمانڈر کے لیفٹیننٹ جنرل رنبیر سنگھ نے کہا کہ وادی کے مقامی لوگ فوج کی مدد کر رہے ہیں۔اس کا نتیجہ یہ ہے کہ فوجیوں نے بڑی تعداد میں دہشت گردی کو قتل کرنے میں کامیابی حاصل کی ہے۔2017میں فوج نے 213اور 2016میں150دہشت گرد ڈھیرکئے تھے۔