دسہرہ تقریبات شاندار رہیں گی: مہادیوپا

Source: S.O. News Service | By Jafar Sadique Nooruddin | Published on 13th August 2017, 1:02 AM | ریاستی خبریں |

بنگلورو:12/اگست(ایس او نیوز) ریاستی وزیر برائے تعمیرات عامہ اور میسور ضلع کے انچارج وزیر ڈاکٹر ایچ سی مہادیوپا نے کہاکہ ریاستی حکومت رواں سال اپنے دور اقتدار کا آخری دسہرہ شان وشوکت سے منائے گی اور آنے والے دنوں میں بھی یہی حکومت اس تہوار کا اہتمام کرتی رہے گی۔آج ہنسور میں دسہرہ کیلئے آنے والے ہاتھیوں کا استقبال کرنے کے بعد اخباری نمائندوں سے بات چیت کرتے ہوئے انہوں نے کہاکہ پچھلے سال خشک سالی کے سبب دسہرہ کی تقریبات کو روایتی حد تک رکھ دیا گیاتھا۔اس بار عالیشان پیمانے پر ان تقریبات کا اہتمام کیا جائے گا اور اس کی شان وشوکت میں کسی طرح کی کمی نہیں لائی جائے گی۔ انہوں نے کہاکہ وزیر اعلیٰ سدرامیا نے دسہرہ تقریبات کیلئے ریاستی حکومت کی طرف سے 14 کروڑ روپے منظور کئے ہیں۔ انہوں نے کہاکہ ریاستی اسمبلی کی موجودہ میعاد کے مطابق اس حکومت کا یہ آخری دسہرہ ہوگا، انتخابات کے بعد جب سدرامیا کی قیادت والی حکومت دوبارہ اقتدار سنبھالے گی اس وقت بھی اور زیادہ شان وشوکت کے ساتھ دسہرہ تقریبات کا اہتمام کیا جائے گا۔ انہوں نے کہاکہ میسور کے نلور پال جنکشن سے مورکل تک 4.95کروڑ روپیوں کی لاگت پر سڑک کو کشادہ کرنے کا کام شروع ہوچکا ہے۔اس سے ہنسور میں ٹریفک کے مسئلے کو کافی حد تک سلجھایا جاسکتاہے۔تقریب میں میسور کے میئر روی کمار ، ڈپٹی میئر رتنا لکشمی ، ضلع پنچایت صدر نعیمہ سلطانہ اور دیگر موجود تھے۔

ایک نظر اس پر بھی

کرناٹک میں عازمین حج سے ضرورت سے زائد رقم کی جارہی ہے وصول ، نئے وزیرحج ضمیراحمد خان کا الزام

کرناٹک کے نئے وزیرحج ضمیراحمد خان نے الزام عائد کیا ہے کہ سفرحج کےنام پر عازمین حج کو لوٹا جارہاہے۔ بنگلورو میں ضمیراحمد خان نے کہاکہ مرکزی حج کمیٹی عازمین حج سے کیوں زائد رقم وصول کررہی ہے؟ ضمیر احمد خان نے اس پورے معاملے میں اشاروں ہی اشاروں میں  ہیراپھیری کا بھی الزام ...

جنرک میڈیکل اسٹورس میں دوائیوں کی مانگ پوری کی جائیگی منظم نیٹ ورک کے ذریعہ دوائیاں تقسیم کرنے کیلئے نیا سافٹ ویر تیار ہوگا : اننت کمار

مرکزی حکومت کی طرف سے قائم کردہ جنرک میڈیکل اسٹورس میں دوائیوں کی مانگ میں جو دن بہ دن اضافہ ہورہاہے اس کے متعلق مرکزی حکومت کو حال ہی میں اطلاع ملی ہے ۔ مزید ایک ماہ میں یہ مسئلہ حل کرلیا جائے گا۔

حج بھون کے معاملے کو لے کر بی جے پی کی سیاسی رنگ دینے کی کوشش؛ ضمیر احمد نے شوبھا کرندلاجے سے کہا؛ اپنے مفاد کے لئے گندی سیاست اور عوام کو گمراہ نہ کریں

ریاستی وزیر برائے اقلیتی امور،اوقاف وحج وغذا شہری رسد بی زیڈ ضمیر احمد خان نے کہا کہ حج گھر کو حضرت ٹیپو سلطان شہیدؒ کے نام سے منسوب کرنے کو لے کر فرقہ پرست جماعت گندی سیاست نہ کرے۔

بنگلورو میں سڑک پر ملے یتیم بچے کو دودھ پلانے والی کانسٹیبل کی عزت افزائی

کوڑا کرکٹ کے ذخیرہ سے قریب ملے یتیم بچے کی جان بچانے کے لئے اپنا دودھ پلاکر انسانیت کی مثال قائم کرنے والی الیکٹرانک سٹی پولیس تھانے کی خاتون کانسٹیبل ارچناکو مےئر سمپت راج نے آج اپنے دفتر میں اس اقدام کو سراہتے ہوئے تہنیت پیش کی۔ مےئر سمپت راج نے اپنے دفترمیں ارچنا کو ایک ...

کے پی سی سی صدارت حاصل کرنے ایچ کے پاٹل اور دنیش گنڈوراؤ کے درمیان رسہ کشی منی اپا بھی دعویدار۔ پاٹل دوڑمیں آگے،کئی سینئر لیڈروں کی تائید حاصل

کرناٹک پردیش کانگریس کمیٹی( کے پی سی سی) کے صدر کا عہدہ حاصل کرنے کے لئے ریاستی لیڈروں کے درمیان رسہ کشی جاری ہے۔ ایک دن ایک لیڈر کے نام کا اعلان ہوتا ہے تو دوسرے دن کسی دوسرے لیڈر کا نام لیا جاتا ہے۔

ڈاکٹر جی پرمیشور بنگلور کو ’’جنگی پیمانہ‘‘ پر بچانا چاہتے ہیں

شہری مسائل جو ہمارے شہر گلستاں بنگلور کو سالوں سے پریشان کئے ہوئے ہیں وہ اب بہت جلد ماضی کا باب بننے والے ہیں ، اس لئے کہ ریاستی حکومت نے کہا ہے کہ وہ اس تیز رفتاری کے ساتھ بڑھتے ہوئے شہر کو پلاسٹک سے پاک کر دے گی اور شہر کے تالابوں کو آلودگی سے محفوظ رکھنے کے لئے جنگی پیمانہ پر ...