مینگلور 9/اگست (ایس او نیوز)  اُپیننگڈی۔سبرامنیا اسٹیٹ ہائی وے پر ایک گڈس ٹمپو اُلٹنے کے نتیجے میں دو لوگوں کی موقع پر ہی موت واقع ہوگئی، جبکہ دیگر پانچ  لوگ  زخمی ہوگئے، جس میں ایک کو شدید چوٹ آئی ہے۔ حادثہ جمعرات  صبح کڈبا میں  کلّاجے بریج کے قریب پیش آیا۔

مرنے والوں میں ایک خاتون بھی شامل ہے جس کی شناخت  کوکاڈا کی رہنے والی چنّما (55) کی حیثیت سے کی گئی ہے جبکہ دوسرے شخص کی شناخت اُسی علاقہ کے رہنے والے ہریش (30) کی حیثیت سے کی گئی ہے۔ حادثے میں تین لوگوں کو چوٹیں آئی ہیں جس میں گیتا (38) شدید زخمی ہونے کی بنا پر پُتور کے ایک نجی اسپتال منتقل کیا گیا ہے۔

گڈس ٹمپو میں کانکریٹ کی مشین تھی جسے مردھالا سے سبرامنیا لے جایا جارہا تھا جس کے دوران یہ حادثہ پیش آیا۔