بھٹکل ساگرروڈ پر آٹو رکشہ اور ٹمپو کی ٹکر؛ چار زخمی

Source: S.O. News Service | By I.G. Bhatkali | Published on 10th February 2019, 3:28 PM | ساحلی خبریں |

بھٹکل 10/فروری (ایس او نیوز) یہاں ساگر روڈ پر کیشو نارائن مندر کے قریب آٹو رکشہ اور ٹمپو کے درمیان ہوئی ٹکر میں آٹو رکشہ پر سوار چار افراد زخمی ہوگئے، جن میں ایک کو شدید زخمی حالت میں کنداپور روانہ کیا گیا ہے۔حادثہ اتوار صبح قریب دس بجے پیش آیا۔

بتایا گیا ہے کہ آٹو رکشہ ہاڈولّی سے بھٹکل کی طرف آرہا تھا ، جبکہ باراتیوں سے بھری ٹمپو  بھٹکل سے ساگر جارہی تھی۔ حادثے میں ٹمپو سمیت آٹو رکشہ کا اگلا حصہ بری طرح ٹوٹ پھوٹ کا شکار ہوا ہے۔

حادثے کے فوری بعد مقامی لوگوں نے رکشہ پر سوار زخمیوں کو بھٹکل سرکاری اسپتال پہنچایا، جن کی شناخت  ناگراج نائک، ایشور نائک، گنیش شٹی  اور منجوناتھ وسنت اچار کی حیثیت سے کی گئی ہے ۔ حادثے میں گنیش شٹی کے سر کو چوٹ لگنے کی وجہ سے اُسے سرکاری اسپتال سے کنداپور اسپتال منتقل کیا گیا ہے۔

بھٹکل  پولس تھانہ میں معاملہ درج کیا گیا ہے۔

ایک نظر اس پر بھی

بھٹکل تعلقہ کے دوپنچایتوں کے جھگڑےمیں  مٹدہتلو اور مرڈیشور کا راستہ یتیم : عوامی نمائندوں پر عوام کی نظر

بھٹکل تعلقہ مرڈیشور کے ماولی -2 اور کائی کنی گرام پنچایتوں کی سرحد کی پیچیدگیوں چلتے مٹدہتلو اور مرڈیشور کے درمیان والی سڑک کا ایک ٹکڑا  یتیم ہوکر راہ گیروں اور بائک سواروں کے لئے مشکلات پیدا کئے ہوئے ہے۔