بنگلورو:17/مئی (یواین آئی) بنگلورکے محکمہ موسمیات کے دفتر کی جانب سے درج کردہ مشاہدات کے مطابق کرناٹک کے دور دراز کے بعض مقامات پر بارش ہوئی جب کہ ساحلی کرناٹک میں موسم خشک رہا۔کنکاپور میں 6' کے آر نگر میں 4' سری رنگاپٹنم ' مانڈیا میں فی کس 3' الکٹرانک سٹی ' انیکل ' چنا پٹنہ میں فی کس 2' میسورو ' کے آر ساگر میں فی کس ایک سنٹی میٹر بارش ریکارڈ ہوئی۔ شمالی کرناٹک کے دور دراز علاقوں میں اعظم ترین درجہ حرارت میں بتدریج اضافہ ہوا ہے۔ساحلی کرناٹک میں کئی مقامات پر اس میں بتدریج اضافہ دیکھا گیا۔ جنوبی دور دراز کرناٹک کے بعض مقامات پر بھی درجہ حرارت میں اضافہ ہوا۔یہ ریاست کے چند مقامات پر معمول سے زائد رہا۔ کلبرگی میں اعظم ترین درجہ حرارت 42.9ڈگری سیلسیس درج کیا گیا۔محکمہ موسمیات نے اپنے بلیٹن میں کہا کہ اڈوپی ' اضلاع ' بیدر ' کلبرگی ' یادگیر ' باگل کوٹ ' بنگلور رورل ' بیدر ' کلبرگی ' یادگیر ' باگل کوٹ ' ہاسن ' مانڈیا ' میسورو' چامراج نگر میں ہلکی تا اوسط بارش کا امکان ہے۔