تلنگانہ میں بھیانک سڑک حادثہ، بس کھائی میں جاگری؛ 43 ہلاک، 20 زخمی

Source: S.O. News Service | By I.G. Bhatkali | Published on 11th September 2018, 3:23 PM | ملکی خبریں |

حیدرآباد 11/ستمبر (ایس او نیوز/ایجنسی)  تلنگانہ کے جگتیال میں منگل کو پیش آئے  ایک بھیانک سڑک حادثہ میں 43 سے زائد لوگوں کے ہلاک ہونے کی خبر ملی ہے، جبکہ بیس افراد زخمیوں میں شامل ہیں۔ حادثہ کونڈاگٹوٹ  گھاٹ پر پیش آیا۔

تلنگانہ اسٹیٹ روڈ ٹرانسپورٹ کی  اس بس پر 62 افراد سفر کررہے تھے۔فوری طور پر زخمیوں کو قریبی اسپتال میں داخل کرایا گیا ہے اور راحت اور بچاو کا کام جاری ہے۔ ضلع جگتیال کے  سپرنٹنڈنٹ آف پولس سندھو شرما نے حادثے میں اب تک 43 لوگوں کے مرنے کی تصدیق کی ہے، مگر کچھ کی حالت نہایت نازک ہونے کی بھی خبر دی ہے۔

بتایا گیا ہے کہ بس کونڈا گٹوٹ کے ہنومان مندر سے جگتیال جارہی تھی، سڑک پر ڈھلان ہونے کی وجہ سے بس کو موڑتے وقت بریک فیل ہوگیا اور بس گھاٹی سے سیدھے نیچے کھائی میں جاگری۔ ایک ذرائع کے مطابق بس کھائی میں گرنے سے پہلے چار بار پلٹیاں کھائی تھیں جس کے بعد کافی گہری کھائی میں جاگری۔

وزیر اعلی چندرشیکھر راؤ نے اس حادثے پر سخت افسوس کا اظہار کیا ہے اور زخمیوں کو فوری طور پر ضروری  طبی امداد فراہم کرنے ہر طرح کی  سہولیات فراہم کرنے کا حکم دیا ہے. اسی طرح ریاستی حکومت کی جانب سے حادثے میں ہلاک ہونے والوں کےورثاء کو 5 لاکھ روپیہ  معاوضہ دینے  کا بھی اعلان کیا ہے.

ایک نظر اس پر بھی

دہلی پولیس خاتون صحافی کو دھمکی معاملے میں قانون کے مطابق کارروائی کرے: خواتین کمیشن

قومی خواتین کمیشن نے سینئر صحافی برکھا دت کو ملی مبینہ دھمکی سے منسلک خبروں کا نوٹس لیتے ہوئے منگل کو دہلی پولیس سے کہا کہ وہ اس معاملے میں تیزی سے جانچ کرے اور قانون کے مطابق کارروائی کرے۔

سپریم کورٹ نے سابق آئی پی ایس افسر بھارتی گھوش کو تمام معاملات میں گرفتاری سے راحت دی سماعت3ہفتے کے لیے ملتوی

سپریم کورٹ نے حال ہی میں مغربی بنگال بی جے پی میں شامل ہونے والی سابق آئی پی ایس افسر بھارتی گھوش کو ان کے خلاف درج تمام معاملات میں گرفتاری سے منگل کو تحفظ فراہم کر دیا۔

کولکاتا پولس کمشنر راجیو کمار کا تبادلہ، انوج شرما کو ملا عہدہ

یڈیشنل ڈائریکٹر جنرل (لا اینڈ آرڈر) انوج شرما کولکاتا کے نئے پولس کمشنر ہوں گے۔ وہ رخصت پذیر کولکاتا کے پولس کمشنر راجیو کمار کی جگہ لیں گے۔ راجیو کمار کو اے ڈی جی سی سی آئی ڈی مقرر کیا گیا ہے۔ سدھی ناتھ گپتا کو اے ڈی جی لا اینڈ آرڈر کا چارج سونپا گیا ہے۔

پلوانہ حملہ سکیورٹی میں خامی کا نتیجہ ،کانگریس نے نشانے پرلیا

کانگریس کے راجیہ سبھا رکن اورسینئرترجمان ابھیشیک منو سنگھوی نے جموں وکشمیرکے پلوامہ میں پچھلے ہفتہ ہوئے دہشت گردانہ حملے کے تعلق سے وزیراعظم نریندرمودی کونشانہ بناتے ہوئے کہاکہ یہ واقعہ سکیورٹی میں خامی کا نتیجہ ہے۔