بچے کچھ الگ سیکھنا چاہتے ہیں، استاد بھی تدریس کے منفرد انداز اختیار کریں: نائیڈو

Source: S.O. News Service | By Shahid Mukhtesar | Published on 6th September 2018, 12:36 PM | ملکی خبریں |

نئی دہلی6ستمبر ( ایس او نیوز؍آئی این ایس انڈیا ) نائب صدرجمہوریہ نائیڈو نے کہا ہے کہ بچوں میں سیکھنے کی متنوع خواہش کو دیکھتے ہوئے اساتذہ کو بھی تعلیم کے منفرد انداز اپنانے ہوں گے جس سے تعلیم و تدریس کے شعبہ میں زیادہ سے زیادہ تنوع لایا جائے ۔نائیڈو نے بدھ کو ٹیچر کے دن کے موقع پر منعقد پروگرام میں طلباء اور اساتذہ سے خطاب کرتے ہوئے کہا کہ سیکھنے کا سب سے مضبوط اور مؤثر ذریعے تجرباتی تعلیم ہے۔ جس میں کچھ کر کے یا استعمال سے آسانی سے بچوں کو سکھایا جا سکتا ہے۔انہوں نے کہا کہ میں جو سنتا ہوں، اسے بھول جاتا ہوں، جو دیکھتا ہوں وہ یاد رہتا ہے اور جو کچھ کرتا ہوں اسے سمجھ جاتا ہوں۔ نائب صدر جمہوریہ نے کہا کہ اساتذہ کو تجربات اور سرگرمیوں کے ذریعے سے طالب علموں کو پڑھانا چاہیے۔نائیڈو نے اسے تعلیم کے اصول بتاتے ہوئے کہاکہ گرودیو رویندر ناتھ ٹیگوراورمہاتما گاندھی نے اس کی تفصیل سے تشریح کی ہے۔ انہوں نے کہا کہ گاندھی جی نے عمل کی بنیاد پر نئی تعلیم کے نام سے تعلیم کا نیا نقطہ نظر اختیار کیا تھا۔ 

ایک نظر اس پر بھی

گوجر تحریک آٹھویں دن بھی جاری

گوجر سمیت پانچ ذاتوں کو ریزرویشن سے متعلق بل اسمبلی میں منظور کئے جانے کے بعد بھی راجستھان میں گوجروں کی تحریک جمعہ کو آٹھویں دن جاری رہی۔

مذہب کی بنیادپربے قصورلوگوں پرحملے شہادتوں کی تعظیم نہیں، ہجومی تشدد: عمر عبداللہ اور محبوبہ مفتی نے سخت تنقیدکی

جموں و کشمیر کے سابق وزرائے اعلیٰ عمر عبداللہ اور محبوبہ مفتی نے جمعرات کو لیتہ پورہ پلوامہ میں سی آرپی ایف کے قافلہ پر ہوئے خود کش دھماکے کے تناظر میں جمعہ کے روز جموں میں پیش آئے ہجومی تشدد کے واقعات کی شدید الفاظ میں مذمت کرتے ہوئے جموں اور دیگر ریاستوں میں قیام پذیر ...