امراوتی ،16؍ مارچ (ایس او نیوز؍آئی این ایس انڈیا ) وائی ایس آر کانگریس کے صدر وائی ایس جگن موہن ریڈی نے کہاہے کہ ریاست کو خصوصی درجہ دینے کی مانگ کو لے کرنریندرمودی حکومت کے خلاف غیر یقینی پیشکش لانے والی ٹی ڈی پی آندھرا پردیش کی ضروریات کے تئیں ہوشیارہو گئی ہے۔مرکز کی طرف سے ریاست کو خصوصی درجہ (ایس سی ایس)نہیں دینے کے بعد آج صبح ٹی ڈی پی نے این ڈی اے چھوڑ دی تھی۔اسی پس منظر میں جگن نے یہ تبصرہ کیا۔نریندر مودی حکومت کے خلاف غیر یقینی پیشکش ٹی ڈی پی لیڈر تھوٹا نرسمہم نے لوک سبھا میں پیش کیا۔جگن نے ٹی ڈی پی کے فیصلے کو جمہوریت کی جیت بتایا اورکہاہے کہ ان کی پارٹی آندھرا کو خصوصی درجہ دینے کی مانگ کو لے کر اپنی جنگ جاری رکھے گی۔انہوں نے ٹویٹ کیاکہ خصوصی درجے کے لیے لوگوں کے تعاون سے وائی ایس آر سی پی کے چار سال کی کوشش اور لڑائی کے بعد بالآخر ٹی ڈی پی سمیت ملک ہوشیار ہوگی۔جگن آندھرا پردیش میں حزب اختلاف کے رہنما ہیں۔این ڈی اے حکومت کے خلاف غیر یقینی پیشکش لانے کے لئے وائی ایس آر کانگریس نے کل لوک سبھا سیکرٹری جنرل کو ایک نوٹس دیا تھا۔ٹی ڈی پی نے تجویز کو حمایت دینے کا کل شام اعلان کیا تھا لیکن آج خود ہی غیر یقنی پیشکش لانے کا فیصلہ کیا۔