ٹیلر، سیٹنر نے نیوزی لینڈ کو فتح دلائی

Source: S.O. News Service | By Shahid Mukhtesar | Published on 25th February 2018, 9:21 PM | اسپورٹس |

ہیملٹن ،25؍ فروری ( ایس او نیوز؍آئی این ایس انڈیا ) راس ٹیلر کی سنچری اور مشیل سیٹنر کی جارحانہ اننگز سے نیوزی لینڈ نے دلچسپ پہلے ون ڈے انٹرنیشنل میچ میں یہاں انگلینڈ کو آخری اوور میں تین وکٹ سے شکست دے کر پانچ میچوں کی سیریز میں 1-0کی برتری حاصل کرلی۔اتار چڑھاو سے بھرے میچ میں سیٹنر نے آخری اوور میں چار گیند باقی رہتے کرس ووکس پر چھکا لگا کر نیوزی لینڈ کو جیت دلا دی۔بین اسٹوکس نے پانچ ماہ بعد بین الاقوامی کرکٹ میں واپسی کی اور ٹام لیتھم کے وکٹ کے ساتھ انگلینڈ کو واپسی دلائی لیکن میزبان ٹیم کو جیت سے نہیں روک پائے۔سیٹنر نے 27گیند میں چار چھکوں اور دو چوکوں سے ناٹ آؤٹ 45رن کی اننگز کھیل کر انگلینڈ کے آٹھ وکٹ پر 284رن کے ہدف کو حاصل کر لیا۔ ہدف کا پیچھا کرتے وقت ٹیم کا آغاز کافی خراب رہا اور اس نے 10 ویں اوور میں 27 رنز تک تین وکٹ گنوا دیئے تھے۔ٹیلر(113)نے اس کے بعد اپنی 18ویں سنچری کے علاوہ لیتھم (79) کے ساتھ چوتھے وکٹ کے لئے 178 رن جوڑ کر ٹیم کو بحران سے نکالا۔اسٹوکس نے لیتھم کو آؤٹ کر کے اس شراکت کو توڑا۔ لیتھم کے آؤٹ ہونے کے بعد مڈل آرڈر منہدم ہو گیا۔
 

ایک نظر اس پر بھی

زمبابوے کرکٹ ٹیم کا اعلان

یکم جولائی سے ہرارے میں پاکستان اور آسٹریلیا کے خلاف ہونے والے تین قومی ٹی20 کرکٹ ٹورنامنٹ کے لئے میزبان زمبابوے کرکٹ ٹیم کا اعلان کردیا گیا ہے ۔

انگلینڈ نے آسٹریلیا کے خلاف تیسرے ون ڈے میں 481 رنز بناکر عالمی ریکارڈ بنادیا

آسٹریلیا کے خلاف سیریز کے تیسرے ون ڈے انٹرنیشنل میں انگلینڈ نے 6 وکٹ پر481 رنز بنا کر کئی ریکارڈز پاش پاش کردیے، یہ ایک روزہ بین الاقوامی کرکٹ میں بڑے مجموعے کا نیا ریکارڈ شمار ہوگا، اس سے قبل پاکستان کے خلاف 3 وکٹ پر 444 رنز کا عالمی ریکارڈ بھی انگلینڈ کے قبضے میں ہی تھا تاہم انگلش ...

پہلی بار فٹ بال کپ کیلئے قرۃ العین بلوچ کی آواز میں گانا ریلیز

روس میں جاری 21 ویں فٹ بال ورلڈ کپ کا فیفا کی جانب سے جاری کردہ آفیشل گانا ’لو اٹ اپ‘ یوں تو کپ شروع ہونے سے ایک ماہ قبل ہی جاری کردیا گیا تھا۔تاہم اب ملٹی نیشنل مشروب کمپنی ’کوکو کولا‘ نے بھی پہلی بار پاکستان میں فٹ بال ورلڈ کپ کا خصوصی اینتھم سانگ جاری کردیا۔

بال ٹیمپرنگ کے الزام پر سری لنکن ٹیم بھڑک اٹھی

ویسٹ انڈیز سے دوسرے ٹیسٹ میں بال ٹیمپرنگ کے الزام پر سری لنکن ٹیم بھڑک اٹھی۔ویسٹ انڈیز کے خلاف سیریز کے دوسرے ٹیسٹ میں بال ٹیمپرنگ کاالزام عائد ہونے پر سری لنکن ٹیم نہ صرف غصے سے بھڑک اٹھی بلکہ اس نے میدان میں بھی اترنے سے انکار کردیا تھا۔