بھٹکل:مجلس اصلاح وتنظیم کے زیر اہتمام طلبا کے درمیان یوم آزادی کے موضوعات پر تقریر ی مقابلہ

Source: S.O. News Service | By Abu Aisha | Published on 13th August 2017, 9:24 PM | ساحلی خبریں | ان خبروں کو پڑھنا مت بھولئے |

بھٹکل:13/اگست (ایس اؤنیوز)مجلس اصلاح وتنظیم بھٹکل کی جانب سے یوم آزادی15 اگست کی مناسبت سے اسکول ،کالج اور ڈگری کالج اور مدارس طلباءکے مابین انجمن کے اردو اینگلو ہائی اسکول بھٹکل کےعثمان حسن ہال میں ایک آزادی کے مختلف موضوعات پر اردو، کنڑا اور انگریزی زبان میں علاحیدہ علاحیدہ تقریری مقابلہ کااہم پروگرام منعقد کیا گیا۔

ہائی اسکول ، پی یوکالج، ڈگری کالج اور مدارس طلبا نے حضرت ٹیپو سلطان ؒ ایک بے مثال مجاہد ِآزادی ،تحریکِ خلافت اور جدوجہد آزادی اور جنگ ِ آزادی میں شعراء کا کردار جیسے عنوانات پر اپنے معصومانہ انداز میں پرمغز خیالات کو پیش کرتے ہوئے اپنی صلاحیتوں کو بہترین مظاہرہ کیا۔

پروگرام میں جامعہ اسلامیہ بھٹکل کے مہتمم مولانا مقبول احمد کوبٹے ندوی نے خطاب کرتےہوئے وقت کی ضرورت کے مطابق تقریری مقابلے کے لئے عنوانات کو منتخب کرتے ہوئے نئی نسل کو اپنے اسلاف سے جوڑنے کی بہترین کوشش کی ہے جس پر تنظیم کے ذمہ داران مبارکبادی کے مستحق ہیں۔ مقابلے میں طلبا کا شریک ہونا ہی کامیابی کی دلیل قرار دیا۔ وہیں مولانا نے پروگرام میں عوامی شرکت پر کہاکہ ایسے پروگراموں میں زیادہ سے زیادہ افراد شریک ہوکر طلبا کی ہمت افزائی اور نئی نسل کی حوصلہ افزائی کرنےکی اپیل کی۔تنظیم کے صدر قاضیا مزمل نے پروگرام کی صدارت کرتے ہوئے جنگ آزادی اور تحریک خلافت سے اہل بھٹکل کی کاوشوں پر بھی روشنی ڈالنے کی اپیل کی۔ انجمن حامئی مسلمین بھٹکل کے ایڈیشنل جنرل سکریٹری محمد اسحق شاہ بندری نے بھی موقع کی مناسبت سے خطاب کرتے ہوئے طلبا کو زیادہ تر کتب خانے میں مطالعہ کرنے کی نصیحت کی۔ اس موقع پر ملی اداروں میں زیر تعلیم طالبات کے لئے آزادی کے 70سال بعد ہمارا ہندوستان، جنگ آزادی میں مسلم خواتین کا رول اور آزادی کے بعد ہندوستان کس موڑ پر جیسے موضوعات پر اردو، کنڑا اور انگریزی زبانوں میں تحریری مقابلہ جات منعقد کئے جانے کی جانکاری دیتے ہوئے بتایا گیا کہ ان کے نتائج کا اعلان بہت جلد کیا جائے گا۔

پروگرام کا آغاز عمرو ابن محی الدین جیلانی اکرمی کی تلاوت قرآن سے ہوا۔ محمد نعمان ابن محمد طلحہ بیلی نے ہدیہ نعت پیش کی۔ محمدنعمان اور ساتھیوں نےعلامہ اقبال ؒ کا ترانہ ہندی ’’ سارے جہاں سے اچھا ‘‘کو پیش کیا۔ تنظیم کے جنرل سکریٹری محی الدین الطاف کھروری نے استقبال کرتے ہوئے مختصرا تعارف پیش کیا۔ تنظیم کے سکریٹری مولانا سید یاسر ندوی نے شکریہ اداکرتے ہوئے مع اقبال سعیدی نظامت کے فرائض انجام دئیے۔ تقریری مقابلہ جات میں انعام پانے والے طلبا کے درمیان ڈائس پر موجود رابطہ سوسائٹی کے سابق صدر محمد صادق پلور، بھٹکل مسلم جماعت دبئی کے سکریٹری محمد یوسف برماور، ثقافتی کمیٹی کے کنونیراور مقابلے کے نگراں کار سید عبدالعظیم امباری اور دیگر ذمہ داران کے ہاتھوں انعامات عطاکئے گئے ۔ انعام یافتہ طلبا کی تفصیل کچھ اس طرح ہے۔

ہائی اسکول :                                         اردو

اول: خبیب احمد ابن مولانا خواجہ معین الدین ندوی مدنی اکرمی ، آئی یو ایچ ایس ، بھٹکل

دوم : فارقلیط ردا ابن محمد رضامانوی نیو شمس ہائی اسکول

سوم : سید حماد ابن سید ہاشم ایس ایم علی پبلک اسکول

انگریزی :

اول: حسن روبین ابن ریاض احمد گنگاولی ، آئی یو ایچ ایس،نوائط کالونی

دوم : عبدالطیف بن افتخار شیخ، شمس انگلش میڈیم ہائی اسکول،

سوم : ہشام ابن اشفاق موٹیا، نیو شمس ہائی اسکول،

کنڑا:

اول : بلال ابن آزاد ارگا شمس انگلش میڈیم اسکول ،

دوم : سیف علی بن عبدالقادر چیکری ، انجمن بائز ہائی اسکول،انجمن آباد

سوم : محمد شہنواز ابن شبیر احمد جامعہ اسلامیہ بھٹکل

پی یو کالج :                           اردو

اول : زکوان ابن نظام الدین جامعہ اسلامیہ ،بھٹکل

دوم : محمد عرباض ائیکری انجمن پی یوکالج ،بھٹکل

انگریزی میں انجمن پی یوکالج بھٹکل کے سید عبدالمنان اور کنڑا میں اسی کالج کے پٹھان سفیان نے اول انعام حاصل کیا ۔ جب کہ ڈگری کالج کے زمرے میں انگریز ی میں محمد سویدابن حفظ الرحمن آمری ،جامعہ اسلامیہ بھٹکل کے اول اورانجمن ڈگری کالج کے اہرار کو اعزازی اسی طرح کنڑا میں انجمن ڈگری کالج بھٹکل کے گنیش نائک کو بھی اعزازی انعام سے نوازاگیا۔

ایک نظر اس پر بھی

کاسرگوڈ:غیرمحسوب14لاکھ روپے نقد لے جاتے ہوئے ایک شخص گرفتار

مصدقہ خفیہ اطلاع پر کارروائی کرتے ہوئے کُمبلے پولیس اسٹیشن کے افسران نے شانتی پالّا کے علاقے میں ایک کارروک لی اور اس کی تلاشی لینے پر کار کی سیٹ کے نیچے چھپاکر رکھے گئے 14,26,500روپے نقد بر آمد کیے جس کے تعلق مذکورہ شخص کے پاس کوئی حساب وکتاب نہیں تھا۔

کاروار: حادثات کے مواقع پر زخمیوں کا وڈیو نہ کریں بلکہ فوری ابتدائی علاج کرکے احسان کریں: ٹی، گوندیا

حادثات کے موقعوں پر فوری ابتدائی علاج دینے سے زخمیوں کی زندگی بچانا زیادہ ممکنات میں سے ہے۔ اچانک پیش آنے والے حادثات کے موقع پر عوام جائے حادثہ پر ہی زخمیوں کو ممکن بھر ابتدائی علاج کریں تو زندگی بچ سکتی ہے ۔ ان خیالات کااظہار ضلع سنئیر سول جج اور ضلع قانونی خدمات بورڈ کے ممبر ...

بھٹکل ودھان سبھا حلقہ سے بی جےپی امیدوار کے طورپر جے ڈی نائک کو ٹکٹ دیئے جانے کے اشارے،یڈیورپا اور شوبھا کرندلاجے نے تیاری کرنے کی دی ہدایت

اپریل ،مئی میں ہونےو الے ریاستی انتخابات کے لئے جنگ کا میدان تیار ہورہاہے، بی جےپی اپنے امیدواروں کی فہرست کو حتمی شکل میں دینےمیں ہے ، بی جے پی کے ریاستی صدر بی ایس یڈیورپا نے بھٹکل ودھان سبھا حلقہ سے بطور بی جے پی امیدوار کے جے ڈی نائک کو تیاری کرنے کاحکم دیا ہے۔

کاسرگوڈ:غیرمحسوب14لاکھ روپے نقد لے جاتے ہوئے ایک شخص گرفتار

مصدقہ خفیہ اطلاع پر کارروائی کرتے ہوئے کُمبلے پولیس اسٹیشن کے افسران نے شانتی پالّا کے علاقے میں ایک کارروک لی اور اس کی تلاشی لینے پر کار کی سیٹ کے نیچے چھپاکر رکھے گئے 14,26,500روپے نقد بر آمد کیے جس کے تعلق مذکورہ شخص کے پاس کوئی حساب وکتاب نہیں تھا۔

حضرت مولانامفتی عبد القیوم رائے پوری کا انتقال

خانقاہ  رائے پور کی عالمی شہرت یافتہ شخصیت حضرت مولانامفتی عبد القیوم رائے پوری کا آج صبح یہاں طول علالت کے بعدانتقال ہوگیا۔ وہ طویل عرصہ سے صاحب فراش تھے۔ ان کی عمر تقریباً 85سال تھی۔