تمل ناڈو: لوک سبھا انتخابات سے پہلے این ڈی اے کا حصہ بن سکتی ہے
نئی دہلی :4 /فروری (ایس اونیوز /آئی این ایس انڈیا) 2019 کے لوک سبھا انتخابات سے پہلے بی جے پی کی قیادت والے این ڈی اے کے ساتھ ایک نیا اور مضبوط اتحادی جڑ سکتا ہے. رپورٹیں کی مانیں تو تمل ناڈو کی حکمراں پارٹی اے آئی اے ڈی ایم کے اگلے چند دنوں میں بی جے پی کے ساتھ اتحاد کا اعلان کر سکتی ہے۔ اے آئی اے ڈی ایم کے کے سینئر لیڈر اور ریاست کے نائب وزیر اعلی نے بی جے پی کے ساتھ اتحاد کی بات چیت فائنل ہونے کے اشارے دیے ہیں۔انہوں نے اتوار کو اتحاد کے بارے میں بات کرتے ہوئے کہا کہ ہماری پارٹی ریاست اور قومی سطح پر پارٹیوں کے ساتھ اتحاد کے لئے بات کر رہی ہے ۔ جیسے ہی بات چیت مکمل ہو گی، ہم اس کے بارے میں اعلان کر دیں گے۔ان کے قومی سطح پر اتحاد کی بات کہنے کے بعد ہی بی جے پی اور اے آئی اے ڈی ایم کے میں اتحاد کے قیاس لگائے جانے لگے۔ کانگریس پارٹی نے پہلے ہی تمل ناڈو میں اہم اپوزیشن پارٹی ڈی ایم کے ساتھ اتحاد کیا ہوا ہے۔ ریاست میں لیفٹ پارٹیوں کے بھی ڈی ایم کے ساتھ بہتر تعلقات ہیں۔پارٹی کے ایک اور سینئر لیڈر نے بھی اتحاد کی بات کو قبول کیا ہے۔ ان کا کہنا ہے کہ یہ پہلا موقع نہیں ہے جب اے آئی اے ڈی ایم کے کسی پارٹی کے ساتھ اتحاد میں لوک سبھا الیکشن لڑنے جا رہی ہے۔ آپ کو بتا دیں کہ 2014 کا لوک سبھا چناؤاے آئی اے ڈی ایم کے نے اکیلے ہی لڑا تھا۔ ریاست کی 39 سیٹوں میں سے اے آئی اے ڈی ایم کے کو 37 سیٹوں پر کامیابی ملی، جبکہ این ڈی اے کے اکاؤنٹ میں دو سیٹیں آئی۔ وہیں کانگریس اور اس ساتھی ڈی ایم 2014 کے لوک سبھا انتخابات میں اکاؤنٹ بھی نہیں کھول پائی۔