ایک بار پھر دہلی لوٹے تمل ناڈوکے کسان، وزیر اعظم کی رہائش گاہ کے باہر مظاہرہ کیا

Source: S.O. News Service | Published on 16th July 2017, 9:53 PM | ملکی خبریں |

نئی دہلی، 16/جولائی (ایس او نیوز/آئی این ایس انڈیا)خشک سالی کی مار جھیل رہے تمل ناڈو کے کسانوں نے مارچ -اپریل کے مہینے میں قرض معافی کے مطالبہ کو لے دارالحکومت دہلی میں اپنے مخصوص طریقے کے احتجاج سے سب کا دھیان اپنی جانب کھینچاتھا۔اب ایک بار پھر اپنے مطالبات کے ساتھ تمل ناڈوکے کسان دہلی واپس آ چکے ہیں۔تقریبا پچاس کسانوں نے اتوار کو دہلی میں نظام الدین ریلوے اسٹیشن سے لے کر لوک کلیان مارگ پر واقع وزیر اعظم کی رہائش گاہ تک احتجاجی مارچ نکالا،اپنے مطالبات کے ساتھ کسانوں نے وزیر اعظم کی رہائش گاہ کے سامنے دھرنا دیا۔بعد میں پولیس نے مظاہرہ کر رہے پچاس سے زائد کسانوں کو حراست میں لے لیا اور پارلیمنٹ اسٹریٹ پولیس اسٹیشن لے گئی،مظاہرہ کر رہے کسان مرکزی حکومت سے راحتی پیکج اور قرض معافی کا مطالبہ کر رہے ہیں۔پچھلی دفعہ مظاہرے کے دوران کسانوں کی آواز ان سنی کردی گئی تھی۔اس کے علاوہ وزیر اعظم نریندر مودی سے بھی ملاقات کرنے کے ان کے مطالبہ کونظر انداز کر دیا گیاتھا۔مارچ -اپریل کے دوران کسانوں کے گروپ نے اپنے احتجاج  کے طریقوں سے میڈیا میں خوب سرخیاں بٹوری تھیں۔جنتر منتر پر انسانی جسموں کے حصوں جیسے کھوپڑی اور ہڈیوں کے ساتھ کسانوں نے مختلف طریقے سے احتجاجی مظاہرہ کیا،کسی دن انہوں نے سر اور داڑھی منڈوائی،تو کسی دن برہنہ ہوکر مظاہرہ کیا،چاہے وہ وزیر اعظم کے دفتر ہو یا جنتر منتر کی سڑکیں۔40دنوں تک چلے اس مظاہرے کو 25/مارچ کے دن ملتوی کرنے کے بعد کسانوں نے کہا تھا کہ وہ ایک دن پھر لوٹ کر آئیں گے۔اور 16/جولائی کو تمل ناڈو کے کسان ایک بار پھر واپس آ چکے ہیں۔واضح رہے کہ پیر سے پارلیمنٹ کا مانسون سیشن شروع ہونے والا ہے۔

ایک نظر اس پر بھی

جموں کشمیر میں بی جے پی۔پی ڈی پی سرکار گرگئی؛ محبوبہ مفتی نے سونپا گورنر کو اپنا استعفیٰ

جموں کشمیر میں بی جے پی نے محبوبہ مفتی سرکار سے اپنی حمایت واپس لے لی ہے جس کے ساتھ ہی ریاست میں تین سالوں سے چلی آرہی گٹھ بندھن سرکار ختم ہوگئی ہے۔ بی جے پی کے سرکار سے  الگ ہونے کی اطلاع کے فوری  فوری بعد محبوبہ نے گورنر این این بوہرا  کو اپنا استعفیٰ سونپ دیا۔

ریاستی کانگریس لیڈروں کو نصیحت کرنے راہل گاندھی سے درخواست بہتر انتظامیہ کو یقینی بنانے دونوں پارٹیوں کے درمیان تال میل ضروری: ایچ ڈی کمار سوامی

ریاستی وزیراعلیٰ ایچ ڈی کمار سوامی نے آج دہلی میں کانگریس صدر راہل گاندھی سے ملاقات کر کے ریاست کی سیاسی صورتحال سے متعلق تبادلہ خیال کیا۔ ا س ملاقات کے دوران راہل گاندھی نے کمار سوامی کو مشورہ دیا کہ کرناٹک میں کانگریس جے ڈی ایس مخلوط حکومت کا یہ ابتدائی دور ہے۔

کسانوں کا قرضہ معاف کرنے مرکزی حکومت سے تعاون کی اپیل 85لاکھ سے زائد کسان مشکلات کا شکار ہیں ، مصیبت کی گھڑی میں ہاتھ تھامنا مرکزی و ریاستی حکومت کاکام ہے: کمار سوامی

قرض کی دلدل میں پھنسے ہوئے کسانوں کو اوپر لانے کی خاطر کئے جارہے قرضہ معاف اسکیم کو مرکزی حکومت 50فی صد امداد فراہم کرے ، اس خیال کااظہار ریاستی وزیر اعلیٰ کمار سوامی نے کیا۔

اتر پردیش میں گئو کشی کی افواہ پر مسلم نوجوان کا پیٹ پیٹ کر قتل

ملک میں گئو کشی روکنے کے نام پر غنڈہ گردی تھمنے کا نام نہیں لے رہی ہے۔ تازہ معاملہ اتر پردیش میں پلکھوا کے بچھیڑا خرد سے سامنے آیا ہے جہاں گوکشی کی افواہ پر کچھ شرپسندوں نے قاسم نامی نوجوان کو بری طرح مارا پیٹا اور قتل کر دیا۔

سکھ زائرین کی کار ٹرک سے جا ٹکرائی ایک بچہ، تین خواتین سمیت 7ہلاک 

پنجاب کے امرتسر کے پاس سموار اسپورٹس یوٹی لیٹی وہیکل کی ٹرک سے تصادم میں سات لوگ لقمہ اجل ہوگئے ۔واضح ہو کہ مہلوکین میں تین عورت سمیت ایک بچہ بھی ہے ۔ یہ تمام افرادامرتسر کے گولڈن ٹمپل کی زیارت اور پوجا ارچنا کرکے دہلی واپس آرہے تھے۔