ڈاسنا ،16؍اکتوبر ( ایس او نیوز؍آئی این ایس انڈیا )آروشی- ہیمراج قتل کے سلسلے میں سال 2013 سے ڈاسنا جیل میں سزاکی مدت گذار رہے دانتوں کے ڈاکٹر راجیش اور نوپور تلوار نے اس دوران جیل کے اندر مریضوں کو دی گئی اپنی اپنی خدمات کا محنتانہ لینے سے انکار کر دیا ہے، جیل حکام نے یہ معلومات دی۔ الہ آباد ہائی کورٹ نے 12 اکتوبر کو تلوار جوڑے کو اپنی بیٹی آروشی اور گھریلو ملازم ہیمراج کے قتل کے الزامات سے بری کر دیا تھا ۔ انہیں دوپہر میں جیل سے رہائی ملے گی ۔ حکام کے مطابق تلوار جوڑے سے جلد سے جلد اپنا علاج کرانے کے لئے جیل کے مریضوں میں ایک ہل چل سی مچی ہے۔جیل کے ایک افسر نے بتایا کہ تلوار جوڑا جیل سے باہر نکلنے کا انتظار کر رہے ہیں اور باہر نکلتے ہی ان کے میڈیا سے گھرنے کا امکان ہے۔ انہوں نے کہا کہ جیل کے اندر مریضوں کی خدمات کا معاوضہ تلوار جوڑے نہ لینے سے انکا رکردیا ہے ۔ جیل سپرنٹنڈنٹ ڈی موری نے کہا کہ اس وقت انہوں نے مریضوں کے علاج سے 49,500رقم جمع کی ہے ؛ لیکن اس رقم کو انہوں نے لینے سے انکار کر دیا ہے ۔سزا کے بعد تلوار جوڑا نومبر 2013 سے جیل کے اندر مریضوں کا علاج کر رہا ہے ۔ جیل ڈاکٹر سنیل نے بتایا کہ تلوار جوڑے نے حکام کو یقین دہانی کی ہے کہ قیدیوں کے علاج کے لئے ہر 15 دن پر وہ جیل آتے رہیں گے۔