موہنی بستی کی چھت کا ایک حصہ گرنے کےبعد بھٹکل تحصیلدار نے کیا بھٹکل کی جین بسدی کا معائنہ 

Source: S.O. News Service | By Shahid Mukhtesar | Published on 5th September 2018, 10:23 PM | ساحلی خبریں | ان خبروں کو پڑھنا مت بھولئے |

بھٹکل 4؍ستمبر (ایس او نیوز)شہر کے قلب میں واقع قدیم زمانے کی جین بسدی کی چھت کا ایک حصہ گرنے کی اطلاع ملنے پر بھٹکل تحصیلدار وی این باڈکر نے موقع پر پہنچ کر بسدی کا معائنہ کیا۔

1556میں تعمیر شدہ  جین بسدی جسے عرف عام میں موہنی بستی کہا جاتا ہے۔محکمہ آثار قدیمہ کے زیر انتظام ہے۔ مقامی لوگوں کے مطابق اس بسد کو  باہری طورپر سجانے کا کام تو کیاجاتاہے مگر اندرونی سطح پر مضبوط کرنے کی کوئی بات دیکھنے میں نہیں آرہی ہے ۔ جس کے نتیجے میں  بسدھی کی چھت کے پتھر بارش کی وجہ سے ایک ایک کرکے گرنے شروع ہوگئے ہیں۔ سمجھا جارہا ہے کہ  اس  طرف فوری توجہ نہیں دی گئی  تو چھت کے مزید پتھر  گرنا یقینی ہے۔معاملے کی  سنجیدگی کو دیکھتے ہوئے   بھٹکل تحصیلدار نے موقع پر پہنچ کر جائزہ لیا۔

خیال رہے کہ بھٹکل میں 18سے زیادہ اس قسم کی پرانی عمارتیں ہیں جو محکمہ آثار قدیمہ کے زیر انتظام ہیں۔انہیں بچائے رکھنااور ان کی حفاظت کرنا اس محکمے کی ذمہ داری ہے۔ بعض حلقوں کی طرف سے یہ الزام لگایا جارہا ہے کہ محکمہ کے افسران اس طرف سنجیدگی سے توجہ نہیں دے رہے ہیں اور بااثر افراد کے دباؤ میں آکر ان عمارتوں کے تحفظ کے لئے موجود قوانین پر پوری طرح عمل درآمد نہیں کرتے ۔ جس سے ان قدیم عمارتوں کو نقصان پہنچ رہا ہے۔پتہ چلا ہے کہ ان الزامات کے پس منظر میں دھارواڑ میں موجودمحکمہ آثار قدیمہ کے اعلیٰ افسران سے رابطہ قائم کیا گیا ہے۔

تحصیلدار باڈکر نے چھت کا ایک حصہ گرنے سے اس قدیم عمارت کو ہونے والے نقصان، عوام پر اس کے نتائج اور آثار قدیمہ کا نظارہ کرنے کے لئے آنے والے سیاحوں پراس کے اثرات کا مکمل جائزہ لینے کے بعدمیڈیا کو بتایا کہ وہ اپنی رپورٹ متعلقہ محکمے کو روانہ کریں گے۔

 

ایک نظر اس پر بھی

بھٹکل میں سمندری سیپی کھانے سے بیمار ہونے کا سلسلہ جاری : 100سے زائد لوگ بیمار ہونے پر تحصیلدار اسپتال پہنچ کر کیا معائنہ

تعلقہ میں سمندری سیپی کے کھانے سے بیمار ہونےکا سلسلہ جاری رہنے سے عوام خوف و ہراس  میں مبتلا ہیں۔ اتوار کو تعلقہ میں 100سے زائد لوگ سیپی کھانے سے بیمار ہو کر اسپتال میں داخل ہونے کا پھر واقعہ پیش آیا ہے۔

بھٹکل کارگیدے مسجد مزمل کے سامنے سڑک کی تعمیر کو لے کر علاقہ کے عوام کی رکن اسمبلی سنیل نائک سے ملاقات

  کارگیدے مسجد مزمل کے سامنے پکی سڑک کی  تعمیر کو لے کر علاقہ کے عوام نے بھٹکل رکن اسمبلی سنیل نائک سے ملاقات کی اور سڑک کی خستہ حالی  سے اُنہیں واقف کراتے ہوئے  اوپری حصہ کی طرف زیرتعمیر سڑک کو آگے بڑھاتے ہوئے مسجد مزمل اور اس سے نیچے تک توسیع دینےکی اپیل کی۔

شرالی قومی شاہراہ توسیع کا دھرنا تیسرے دن بھی جاری :  ضلع انتظامیہ کو  شاہراہ  تعمیر کا اختیار   نہیں : ایڈیشنل ڈی سی

شرالی میں گرام پنچایت کی قیادت میں 45میٹر کی توسیع والی شاہراہ تعمیر  کو لے کر  جاری دھرنے کے تیسرے دن کی دوپہر اترکنڑا ضلع ایڈیشنل ڈی سی ڈاکٹر سریش ہٹنال احتجاجیوں سے ملاقات کرتے  نیشنل ہائی وے اتھارٹی آف انڈیا کے حکم کے بنا ضلع انتظامیہ کچھ کرنا ممکن نہیں ہونے کی وضاحت کی۔ ...

بھٹکل کارگیدے مسجد مزمل کے سامنے سڑک کی تعمیر کو لے کر علاقہ کے عوام کی رکن اسمبلی سنیل نائک سے ملاقات

  کارگیدے مسجد مزمل کے سامنے پکی سڑک کی  تعمیر کو لے کر علاقہ کے عوام نے بھٹکل رکن اسمبلی سنیل نائک سے ملاقات کی اور سڑک کی خستہ حالی  سے اُنہیں واقف کراتے ہوئے  اوپری حصہ کی طرف زیرتعمیر سڑک کو آگے بڑھاتے ہوئے مسجد مزمل اور اس سے نیچے تک توسیع دینےکی اپیل کی۔

بھٹکل میں مجلس اصلاح وتنظیم کی جانب سے پلوامہ دہشت گردانہ حملہ کی کڑی مذمت: تحصیلدار کی معرفت وزیراعظم کو میمورنڈم ؛کڑی کارروائی کا مطالبہ

کشمیر کے پلوامہ میں دہشت گردانہ حملے کی کڑی مذمت کرتے ہوئے مجلس اصلاح وتنظیم بھٹکل نے تحصیلدار کی معرفت وزیر اعظم نریندر مودی کو اپیل سونپتے ہوئے دہشت گردی کا کرار ا جواب دینے کا مطالبہ کیا۔