28 واں عرب سربراہ اجلاس اختتام پذیر؛ کیا اجلاس سے مثبت نتیجہ سامنے آئے گا ؟

Source: S.O. News Service | Published on 30th March 2017, 3:57 PM | عالمی خبریں | خلیجی خبریں |

عمان،30مارچ (ایس او نیوز/آئی این ایس انڈیا) اردن کی میزبانی میں گذشتہ روز ہونے والے 28 ویں عرب سربراہ اجلاس میں عرب ملکوں میں ایرانی مداخلت کی مذمت کے ساتھ ساتھ یمن، شام اور فلسطین کی تنازعات کو جلد ازجلد حل کرنے پر زور دیا گیا۔  عرب سربراہ کانفرنس کے اختتامی اجلاس سے خطاب کرتے ہوئے عرب لیگ کے سیکرٹری جنرل احمد ابو الغیط نے عرب ملکوں میں ایرانی مداخلت کو مسترد کردیا۔ انہوں نے یمن، شام اور لیبیا میں قیام امن کے ساتھ ساتھ تنازع فلسطین کے دو ریاستی حل کی ضرورت پر زور دیا۔اس موقع پر انہوں نے عالمی برادری پر زور دیا کہ جب تک مسئلہ فلسطین حل نہیں ہوجاتا کوئی ملک اپنا سفارت خانہ بیت المقدس منتقل نہ کرے۔عرب لیگ کے سیکرٹری جنرل کا کہنا تھا کہ عرب سربراہ قیادت فلسطینیوں اور اسرائیلیوں کے درمیان تنازع کے حل کے لیے دو ریاستی حل کی بنیاد پر موثر اور نتیجہ خیز بات چیت جاری رکھنے، فریقین میں بامقصد مذاکرات کی بحالی اور دو ریاستی حل کے لیے ٹائم فریم دینے کے ساتھ ساتھ عرب ممالک کی طرف سے پیش کردہ امن روڈ میپ پرعمل درآمد کے مطالبے پر قائم ہے۔

عرب لیگ کے سربراہ احمد ابو الغیط نیاردنی وزیرخارجہ امین الصفدی کے ہمرہ بحر مردار میں ایک مشترکہ پریس کانفرنس سے خطاب میں کہاکہ عرب سربراہ کانفرنس کے دوران اردنی فرمانروا شاہ عبداللہ، فلسطینی صدر محمود عباس اور مصری صدر عبدالفتاح السیسی کاسہہ فریقی اجلاس بھی الگ سے ہوا ہے۔ اس اجلاس میں تینوں سربراہان نے آئندہ ماہ اپنے امریکی دوروں اور امریکی قیادت سے ہونے والی بات چیت میں ہم آہنگی پیدا کرنے کی کوشش کی گئی۔ایک سوال کے جواب میں احمد ابو الغیط نے کہا کہ عرب ممالک میں ایرانی مداخلت کی بات پر عراق نے اپنے تحفظات کا اظہار کیا ہے۔ انہوں نے کہا کہ عرب ممالک اور ایران کے درمیان تنازعات کے حل کے لیے چار رکنی وزارت کمیٹی ابھی بدستور قائم ہے جو اپنا کام جاری رکھے ہوئے ہے۔ عرب ممالک کے اس کمیٹی کی سفارشات قابل قبول ہوسکتی ہیں۔

اس موقع پر اردنی وزیرخارجہ امین صفدی نے کہا کہ 28 واں عرب سربراہ اجلاس کامیابی سے اختتام پذیر ہوا ہے۔ اجلاس کے اہم نتائج جلد سامنے آنا شروع ہوجائیں گے۔ اجلاس کی کامیابی کی ایک علامت یہ بھی ہے کہ تمام ممالک نے عرب خطے کے مسائل اور بحرانوں کے فوری اور موثر حل کے لیے مل کر کوششیں کرنے سے اتفاق کیا ہے۔سربراہ اجلاس کے دوران دو فریقی اور سہ فریقی اجلاسوں بارے بات کرتے ہوئے احمد ابو الغیط نے کہا کہ عرب قیادت نے باہمی تعلقات کو بہتر بنانے پر زور دیا ہے۔ اس موقع پر سعودی فرمانروا شاہ سلمان کی مصری صدر السیسی سے ملاقات اور انہیں سعودی عرب دورے کی دعوت اہمیت کی حامل اور مثبت پیش رفت ہے۔

شام کے بارے میں بات کرتے ہوئے عرب لیگ کے سربراہ نے کہا کہ عرب سربراہ قیادت شام کے بحران کیسیاسی حل پر زور دیتے ہوئے خون خرابے کا فوری خاتمہ چاہتی ہے۔ انہوں نے کہا کہ عرب سربراہ اجلاس کے دوران پناہ گزینوں کی میزبانی کرنے والے ممالک کی مدد کا بھی فیصلہ کیا گیا۔اجلاس کے اختتام پر جاری کردہ اعلامیے میں کہا گیا تمام عرب ممالک عراق کی وحدت کے حامی، دہشت گردی کے خلاف جنگ جاری رکھنے پر قائم ہیں۔ عرب ممالک نے داعش کے خلاف عراقی فوج کی کامیاب کارروائیوں کی تحسین کی ہے۔عرب سربراہ قیادت نے دہشت گردی کو شکست دینے، دہشت گردی کو فکری غذا فراہم کرنے تمام نظریاتی محاذوں کو تباہ کرنے اور عرب اقوام و دہشت گردی کے ناسور سے نجات دلانے پر متفق ہے۔

اعلامیے میں کہا گیا ہے کہ تمام عرب ممالک نے یقین دلایا ہے کہ اگر اسرائیل سنہ 1967ء کی جنگ میں قبضے میں لیے گئے علاقوں سے اپنی فوجیں نکال لے تو وہ صہیونی ریاست کے ساتھ تاریخی مصالحت کے لیے تیار ہیں۔بیان میں کہا گیا ہے کہ آئندہ عرب سربراہ اجلاس سعودی عرب کی میزبانی میں ہوگا۔ قبل ازیں اردنی فرمانروا شاہ عبداللہ دوم نے بھی عرب سربراہ کانفرنس کو کامیاب قراردیا۔ انہوں نے عمان کی میزبانی میں عرب سربراہ اجلاس میں شرکت کرنے پر تمام عرب رہنماؤں اور شرکاء کا شکریہ ادا کیا۔

اجلاس پر دیگر میڈیا کی رپورٹ:  28 ویں عرب سربراہ اجلاس کے اختتام پر پاکستان کے معروف اخبار جسارت نے اپنی رپورٹ میں لکھا ہے کہ  اجلاس سے قبل عرب حکمرانوں نے بہت پُرجوش انداز میں گروپ فوٹو تو بنوائے، تاہم اجلاس کی کارروائی کے دوران ان میں سے بہت سے اپنی نشستوں پر اونگتے اور نیند پوری کرتے نظر آئے۔البتہ کچھ حکمرانوں نے اس موقع پر جان دار بیان بازی بھی کی۔

جسارت کے مطابق میزبان ملک اردن کے شاہ عبداللہ دوم نے افتتاحی خطاب میں کہا کہ اسرائیل فلسطین تنازع کے مجوزہ دوریاستی حل کے تحت فلسطینی ریاست کے قیام کے بغیر مشرقِ وسطیٰ میں امن کا قیام ممکن نہیں ہے اور دو ریاستی حل ہی عرب اسرائیل جامع امن معاہدے کی بنیاد بن سکتا ہے۔ انہوں نے مزید کہا کہ اردن کا مغربی ہمسایہ ( اسرائیل) مقبوضہ فلسطینی علاقوں میں یہودی آباد کاری میں تیزی لا کر امن کے مواقع کو گنوا رہا ہے۔ دوسری جانب سعودی فرمانروا شاہ سلمان بن عبدالعزیز نے اجلاس  سے خطاب کرتے ہوئے یمن اور شام میں جاری بحرانوں کے پُرامن اور فوری حل کی ضرورت پر زوردیا۔ انہوں نے کہا کہ یمن کا اتحاد اور استحکام بڑی اہمیت کا حامل ہے۔ شاہ سلمان نے اپنی تقریر میں بعض عرب ممالک میں جاری بد امنی اور جنگوں کی جانب دنیا کی توجہ دلائی۔ انہوں نے شام میں جاری بحران کے حوالے سے گفتگو کرتے ہوئے کہا کہ شامی عوام قتل ہورہے ہیں، اس لیے اس بحران کا فوری طور پر کوئی حل تلاش کیا جانا چاہیے۔ تاہم ان بیانات کے باوجود خطے کے عوام اور دیگر مسلمان عرب سربراہان سے مایوس ہی ہیں، کیوں کہ اس اہم اجلاس میں بھی گزشتہ اجلاسوں کی طرح عمل کی روح کہیں نظر نہیں آئی۔
 

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...