بنگلورو، 20؍اکتوبر(ایس او نیوز) مہادیوپورہ میں مشینوں کے ذریعہ صفائی کا کام کرنے والوں نے اچانک اپنا کام روک دیا ہے ۔ صفائی کی گاڑیاں چلانے والے آپریٹروں کے سینئر سوپروائزر ایم کے پاشاہ نے اپنے ایک بیان میں بتایا کہ بروہت بنگلورو مہانگر پالیکے (بی بی ایم پی) نے گزشتہ 6؍ مہینوں سے ان کے بقایا جات روک رکھے ہیں۔ اس لئے انہوں نے احتجاجاً اپنے کام روک دیئے ہیں۔ اس کے ذریعہ وہ بی بی ایم پی کو آگاہ کرنا چاہتے ہیں کہ ان کے بقایہ جات ادا کرنے تک وہ کام پر نہیں لوٹیں گے۔ پاشاہ نے بتایا کہ ہم نے متعلقہ حکام کو آگا کردیا ہے کہ جب تک بی بی ایم پی کی جانب سے باقی رقم نہیں ملے گی ویکوم کلیننگ وہیکلس سڑکوں کی صفائی کے لئے نہیں آئیں گی۔ انہوں نے بتایا کہ ہماری کمپنی نے ملازمین کو گزشتہ 4؍ مہینوں سے تنخواہیں نہیں دی ہیں۔ وہ گزشتہ 6؍ ماہ سے قرض کی بنیاد پر ڈیزل لے رہے ہیں ۔ آپریٹروں کی جانب سے کام روک دیئے جانے کی اطلاع کے بعد مہادیوپورہ کے رہائشیوں نے بی بی ایم پی کے خلاف سخت غصہ کا اظہار کیا ہے۔ اور ان کی تنخواہیں فوراً جاری کرنے کامطالبہ کیا ہے۔شا ہ کے بیان میں مزید کہا گیا ہے کہ جب بھی آپریٹرز نے بی بی ایم پی دفتر میں بل کے ساتھ ان سے ملاقات کی، ان سے کہا گیا تھا کہ انھوں نے کافی کام نہیں کیا. تاہم، پاشا ہ کا دعویٰ ہے کہ بی بی ایم پی کے اہلکار نے ابھی تک ان کا کام نہیں کیا۔پاشاہ کا بیان وائٹ فیلڈ کی فیس بک پر پوسٹ کیا گیا تھا۔اس واقعہ نے اس حقیقت پر روشنی ڈالی ہے کہ صرف مہادیوپورہ زون میں بقیہ رقم ادا نہیں کی گئی ہے۔ اس حقیقت کے باوجود کہ اس زون میں سب سے زیادہ ٹیکس جمع کئے گئے تھے۔ایک رہائشی نے اپنے تبصرہ میں لکھا ہے کہ ’’جو بنیادی سہولیات فراہم کی جاتی ہیں وہ سب شہریوں کو نہیں دی جاتی ہیں۔‘‘