سشیل کمارمودی کا شتروگھن سنہا کو مشورہ، انتخابات نہ لڑیں، پولنگ ایجنٹ تک نہیں ملے گا
پٹنہ، 25 مارچ (ایس او نیوز؍آئی این ایس انڈیا) بی جے پی کے سینئر لیڈر اور بہار کے نائب وزیراعلیٰ سشیل کمارمودی نے پارٹی کے باغی لیڈر شتروگھن سنہاپرکراراحملہ بولاہے۔سشیل مودی نے کہا کہ شتروگھن سنہا کو پٹنہ صاحب لوک سبھا لوک سبھا میں پولنگ ایجنٹ ملنا مشکل ہو جائے گا۔بی جے پی لیڈر نے کہا کہ شتروگھن سنہا عمر کے اس پڑاؤ میں مزید فضیحت نہ کروائیں اور انتخابی جنگ چھوڑ دیں۔سشیل مودی نے کہاکہ عمر کے اس پڑاؤ پر اپنی اور فضیحت نہ کرائیں۔ انہوں نے کہاکہ پٹنہ صاحب میں بی جے پی کے پانچ ایم ایل اے ہیں۔آپ کو پولنگ ایجنٹ بھی ملنا مشکل ہو جائے گا،بہتر ہو گا انتخابی جنگ چھوڑ دیں اور یشونت کلب میں شامل ہوجائیں۔سشیل مودی نے شتروگھن سنہا پر حملہ کرتے ہوئے اشاروں میں بی جے پی حکومت میں مرکزی وزیر رہے یشونت سنہا کو بھی نشانہ بنایا۔بی جے پی نے پٹنہ صاحب جہاں سے شتروگھن سنہا ایم پی ہیں وہاں سے اس بار مرکزی وزیر روی شنکر پرساد کو ٹکٹ دیا ہے۔ٹکٹ کٹنے کے بعد امکان ظاہر کیا جارہا ہے کہ شتروگھن سنہا کانگریس میں شامل ہو سکتے ہیں۔شتروگھن سنہا کے ٹکٹ کٹنے کی بڑی وجہ ان کا مودی حکومت اور پارٹی کو لے کر تنقیدی رویہ مانا جا رہا ہے۔اس سے پہلے شتروگھن سنہا نے ہفتہ کو کہا کہ ان کا کسی سے کوئی ذاتی اختلاف نہیں ہے بلکہ مرکزی حکومت کی پالیسیوں کے مخالف ہیں۔انہوں نے کہا کہ وزیراعظم نریندر مودی آج بھی ان کے اچھے دوست ہیں۔