اپوزیشن کی سخت مخالفت کے باوجودممبئی میونسپل کارپوریشن کے اسکولوں میں یوگا لازمی

Source: S.O. News Service | By Safwan Motiya | Published on 24th August 2016, 7:58 PM | ملکی خبریں |

ممبئی، 24؍اگست؍(ایس او نیوز/آئی این ایس انڈیا)اپوزیشن پارٹیوں کے سخت احتجاج کے باوجود شیوسینا اور بی جے پی حکومت ممبئی میونسپل کارپوریشن (بی ایم سی)نے میونسپل کارپوریشن کے تمام اسکولوں میں یوگا اور سوریہ نمسکار کو لازمی کرنے سے متعلق ایک تجویز کو اپنی منظوری دے دی ہے ۔قدیم طریقہ اور روایت کو طلبا کی زندگی میں شامل کرکے ان کی صحت کو بہتر بنانے کے مقصد سے بی جے پی کونسلر سمیتا کامبلے نے کل تجویز پیش کی جسے بی ایم سی کی جنرل اسمبلی نے ہری جھنڈی دے دی۔حکمران اتحاد نے یوگا کو اسکولوں کے لیے آپشنل بنانے کی کانگریس اور سماج وادی پارٹی کی ترمیم کو بھی مسترد کر دیا۔اس کے علاوہ سوریہ نمسکار کو ہٹائے جانے کے سماج وادی پارٹی کے مطالبہ کو بھی مسترد کر دیا گیا۔سماج وادی پارٹی کے کونسلر رئیس شیخ نے یہ کہتے اس کی مخالفت کی تھی کہ اسکولوں میں سوریہ نمسکار کو لازمی بنایا جانا ایک اعتبار سے ہندوتو کو فروغ دینا ہے کیونکہ سوریہ نمسکار کی بنیاد ہندو دیوتا سورج سے جڑی ہوئی ہے۔انہوں نے کہا کہ اگر بی ایم سی اسے لازمی بناتی ہے تومسلم سرپرست اپنے بچوں کو اسکول بھیجنا بند کر دیں گے۔جنرل اسمبلی کی طرف سے منظورشدہ تجویز کو اب میونسپل کمشنر اجے مہتا کو بھیجا جائے گا جو اس پر حتمی فیصلہ کریں گے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...