ریل میں فیل سریش پربھو کا قدبڑھا، ملا شہری ہوابازی کی وزارت کا اضافی چارج
نئی دہلی ،10؍ مارچ (ایس او نیوز؍آئی این ایس انڈیا)ریلوے کے سابق مرکزی وزیرسریش پربھوجن کے عہدمیں ریلوے برابرحادثوں کاشکارہوتی رہی ،مزیدہرطرف سے شکایات کاسلسلہ جاری رہاہے ،اخیرمیں عوام کے غصے کودیکھتے ہوئے ان کی وزارت بدلی گئی۔ اب انہیں کامرس اینڈ انڈسٹری کے ساتھ ساتھ شہری ہوابازی کی وزارت کا اضافی چارج دیاگیا۔صدر رام ناتھ کووندنے کل ہی تلگودیشم پارٹی (ٹی ڈی پی)کے اشوک گجپت راجو کا استعفیٰ قبول کیا تھا۔صدارتی محل کے ترجمان نے یہ معلومات دیں۔ترجمان نے بتایاکہ وزیراعظم کی صلاح پر صدر نے ہدایت کی کہ کابینہ وزیر سریش پربھو کو شہری ہوابازی کی وزارت کا اضافی چارج دیا جائے گا۔ٹی ڈی پی سربراہ اور آندھرا پردیش کے وزیر اعلی این چندرا بابو نائیڈو کی طرف سے اپنے وزراء کو مرکزی حکومت سے ہٹانے کے فیصلے کے بعد راجو اور ٹی ڈی پی کے ایک اور رہنما وائی ایس چودھری نے کابینہ سے استعفیٰ دے دیا تھاآندھرا پردیش کو خصوصی ریاست کا درجہ دلانے میں ناکام رہنے کی وجہ سے اوراپوزیشن کے مسلسل حملوں کی وجہ سے نائیڈو نے یہ فیصلہ کیاحالانکہ ٹی ڈی پی این ڈی اے کا جزو بنی رہے گی۔