نئی دہلی،13؍ دسمبر (ایس او نیوز؍آئی این ایس انڈیا) میگھالیہ کے امرئی ایئر پورٹ کے معاملہ میں انڈی گو اور اسپیس جییٹ کو سپریم کورٹ سے راحت ملی ہے۔ سپریم کورٹ نے میگھالیہ ہائی کورٹ کے فیصلے پر روک لگا دی ہے۔ ہائی کورٹ نے ڈی ڈی سی اے ایئر لائنز کو 14 دسمبر تک تاریخ بتانے کو کہا تھا کہ کب سے یہ سروس شروع ہوگی۔سپریم کورٹ میگھالیہ کے امروئی ایئر پورٹ کے معاملے میں انڈگو اور اسپیس جیٹ کی عرضی پر سماعت کر رہا ہے۔دونوں نے میگھالیہ ہائی کورٹ کے فیصلے کو چیلنج کیا ہے۔ انڈ ی گو کی جانب سے چیف جسٹس رنجن گوگوئی کو بتایا گیا کہ امروئی ایئرپورٹ کو لے کر ہائی کورٹ از خود نوٹس لے کر سماعت کر رہا ہے۔ہائی کورٹ نے پوچھا ہے کہ ایئرپورٹ کس تاریخ سے خدمات کا آ غاز کرے گا اور دہلی و امروئی ایئر پورٹ کے درمیان ہوائی جہازسروس کب شروع ہوگی۔ دراصل میگھالیہ ہائی کورٹ نے ایئر پورٹ اتھارٹی آف انڈیا سے پوچھا تھا کہ امروئی ایئرپورٹ کب سے شروع ہو جائے گا۔ اس کی تاریخ بتائی جائے ۔ میگھالیہ ہائی کورٹ نے ایئر پورٹ اتھارٹی آف انڈیا سے پوچھا تھا کہ دہلی سے امروئی ایئر پورٹ کے لیے ہوائی جہاز کب سے پرواز شروع ہوگی۔ اس کے بعد ہائی کورٹ نے ڈی ڈی سی اے اور ایئر لائنز کو کہا تھا کہ یہ ہوائی جہاز سروس 15 دسمبر سے شروع ہونا چاہئے۔سپریم کورٹ کو بتایا گیا کہ ابھی ایئرپورٹ پوری طرح تیار نہیں ہے اور وہاں فائر بریگیڈ کے انتظام بھی نہیں ہیں، ایسے میں وہاں سے سروس ابھی شروع نہیں ہو سکتی ہے۔