جناردھن ریڈی کی عرضی سپریم کورٹ نے مسترد کردی بلاری اور کڈپہ ضلع میں داخلہ پر پابندی جاری رکھنے سے ریڈی کے حامی مایوس

Source: S.O. News Service | By Shahid Mukhtesar | Published on 23rd January 2018, 12:21 PM | ریاستی خبریں |

بنگلورو،22؍جنوری(ایس او نیوز) غیرقانونی کان کنی کے الزام میں جیل کی سزا کاٹ چکے سابق ریاستی وزیر جی جناردھن ریڈی نے بلاری ضلع میں داخل ہونے کی اجازت طلب کرتے ہوئے سپریم کورٹ میں عرضی داخل کی تھی جسے آج مسترد کردیا گیا ۔ ریاستی اسمبلی انتخابات سے قریب ریڈی کی عرضی مسترد کئے جانے سے بی جے پی کو ایک بڑا دھکالگا ہے۔ غیرقانونی کان کنی کے مختلف معاملات اور اس کے ذریعہ حاصل ہونے والی کروڑوں روپئے آمدنی کی ہیراپھیری کے الزامات میں 5ستمبر2011 کو سی بی آئی نے ریڈی کو گرفتارکرکے ان پر معاملات درج کئے تھے ۔ حیدرآباد کے چنچل گڑھ اوربنگلور کی پراپنا اگراہارا جیلوں میں تین سال سے زیادہ قید کاٹ چکے ریڈی کو سپریم کورٹ نے اس شرط پر ضمانت دی تھی کہ بلاری ضلع اور آندھرا پردیش کڈپہ ضلع میں ان کا داخلہ ممنوع ہے۔ اس کے باوجود ریڈی اپنی بیٹی کی شادی اہلخانہ کے ساتھ تہوار ’’یوم بزرگان‘‘ سے متعلق تقریبات کے موقع پر کئی مرتبہ بلاری میں داخل ہوچکے ہیں۔ریاست میں اسمبلی انتخابات بالکل قریب ہیں اس لئے بلاری میں قیام کے ذریعہ سیاست میں دوبارہ اپنی طاقت کا مظاہرہ کرنے کے مقصد سے ریڈی نے بلاری اور کڈپہ اضلاع میں ان پر لگائی گئی پابندی کو ہٹانے کی درخواست کی تھی ۔سپریم کورٹ میں داخل عرضی کو عدالت عظمیٰ نے آج مسترد کردیا۔ عدالت میں داخل اپنی عرضی میں ریڈی نے کہاتھاکہ بلاری میں ان کے داخل ہونے سے غیرقانونی کان کنی کے معاملہ میں گواہوں کو کوئی تکلیف نہیں ہوگی۔ سماجی خدمات کے مقصد سے وہ بلاری میں داخل ہوناچاہتے ہیں اس لئے ان کے داخلہ پر لگائی گئی پابندی کو ہٹالیا جائے اس عرضی پر سماعت کرتے ہوئے سپریم کورٹ نے ان کی عرضی کو یکسر مسترد کرتے ہوئے اگلے تین ماہ تک کوئی عرضی داخل نہ کرنے کی ہدایت دی ہے ۔ جس کے نتیجہ میں ریڈی کے طرفداروں کو مایوسی ہوئی ہے ۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔