سپریم کورٹ نے کہا،نہیں ملتوی ہوگی سماعت، آلو ک ورماجلد از جلدداخل کریں جواب

Source: S.O. News Service | By Jafar Sadique Nooruddin | Published on 19th November 2018, 10:20 PM | ملکی خبریں |

نئی دہلی:19/نومبر(ایس او نیوز/آئی این ایس انڈیا)سپریم کورٹ نے پیر کو سی بی آئی کے ڈائریکٹر آلوک کمار ورما سے کہا کہ ان کے خلاف بدعنوانی کے الزامات کے بارے میں سی وی سی کی جانچ رپورٹ پر جلد سے جلد آج ہی اپنا جواب داخل کریں۔عدالت نے واضح کیا کہ اس کیس کے لئے منگل کو مقدمے کی سماعت نہیں ٹالی جائے گی۔چیف جسٹس رنجن گگوئی کی صدارت والی بنچ کو ورما کے وکیل گوپال شکرنارائن نے مطلع کیا کہ سی بی آئی ڈائریکٹر رجسٹری میں اپنا جواب داخل نہیں کر سکے ہیں۔بنچ نے کہا کہ ہم آگے بڑھانے کی تاریخ نہیں دیں گے،جتنی جلدی ممکن ہواپنا جواب داخل کریں،ہمیں بھی جواب پڑھنا پڑے گا۔اس پر گوپال نے کہا کہ آج دن میں ہی جواب کردیا جائے گا۔عدالت نے سی بی آئی ڈائریکٹر کے خلاف بدعنوانی کے الزامات پر سی وی سی کی ابتدائی رپورٹ پر 16نومبر کو آلوک ورما کو سیل بند لفافے میں پیر تک جواب داخل کرنے کی ہدایت دی تھی۔
اس سے پہلے 16نومبر کو عدالت نے کہا تھا کہ سی وی سی نے اپنی جانچ رپورٹ میں کچھ بہت ہی منفی تبصرے کئے ہیں اور وہ کچھ الزامات کی آگے کی انکوائری چاہتا ہے، اس کے لے اس کو اور وقت چاہئے۔عدالت نے سی بی آئی سربراہ آلوک ورما کے تمام حقوق واپس لینے اور انہیں چھٹی پر بھیجنے کے حکومت کے فیصلے کو چیلنج دینے والی ورما کی عرضی پر سماعت کے دوران گزشتہ جمعہ کو یہ ہدایت دی تھی۔

ایک نظر اس پر بھی

لاک ڈاؤن کے دوران جان گنوا نے والے مہاجر مزدوروں کے اہل خانہ کو 25لاکھ روپئے معاوضہ دینے ایس ڈی پی آئی کا مطالبہ

   سوشیل ڈیموکریٹک پارٹی آف انڈیا  کے قومی صدر ایم کے فیضی نے اخباری بیان جاری کرتے ہوئے   مرکزی حکومت سے مطالبہ کیا ہے کہ بغیر تیاری کے اعلان کردہ لاک ڈاؤن کی وجہ سے کام کرنے کی جگہ اور اپنے گھروں کو پیدل سفر کرنے والے جو مہاجر مزدور بھوک اور تھکن سے جان گنو ا چکے ہیں،  ان کے ...

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

کووڈ-19 پازیٹیو مسلمان دہشت گرد ہیں، انھیں مار دینا چاہئے

کانپور واقع جی ایس وی ایم میڈیکل کالج کی پرنسپل ڈاکٹر آرتی لال چندانی کا ایک متنازعہ ویڈیو سوشل میڈیا پر خوب وائرل ہو رہا ہے جس میں وہ مسلمانوں اور تبلیغی جماعت اراکین کے لیے نازیبا کلمات ادا کر رہی ہیں۔ اس ویڈیو میں ڈاکٹر آرتی لال چندانی نہ صرف تبلیغی جماعت والوں کو دہشت گرد ...