نئی دہلی ،14 ؍جنوری (ایس او نیوز؍آئی این ایس انڈیا) سپریم کورٹ نے کمپیوٹر کے نظام کو انٹرسیپٹ کرنے، ان پر نظر رکھنے اور ان کے اعداد و شمار کا تجزیہ کرنے کے لیے 10 ایجنسیوں کو اجازت دینے والے سرکاری نوٹس کے خلاف دائر درخواست پر مرکز کو پیر کو نوٹس جاری کیا۔عدالت عظمیٰ نے مرکزسے چھ ہفتوں کے اندر نوٹس کا جواب دینے کو کہا ہے۔اس سے پہلے مرکزی حکومت کی 20 دسمبر کی درخواست کو چیلنج دیتے ہوئے عدالت میں عرضی دائر کی گئی تھی۔وزارت داخلہ کے حکام نے بتایا کہ حکومت کی جانب سے جاری نوٹیفکیشن کے مطابق اطلاعات و ٹیکنالوجی قانون کے تحت مرکز کی 10 جانچ اور جاسوسی ایجنسیوں کو کمپیوٹرز کو انٹر سیپٹ کرنے اور ان کے اعداد و شمار کا تجزیہ کرنے کا حق حاصل ہو گیا ہے۔