سینٹرل انفارمیشن کمیشن اور ریاستی انفارمیشن کمیشن میں خالی اسامیوں سے عدلیہ فکرمند 

Source: S.O. News Service | By Shahid Mukhtesar | Published on 28th July 2018, 11:45 AM | ریاستی خبریں |

نئی دہلی28جولائی(ایس او نیوز؍آئی این ایس انڈیا)سپریم کورٹ نے مرکزی انفارمیشن کمیشن اور ریاستی انفارمیشن کمیشن میں خالی اسامیوں پر آج تشویش کا اظہار کیا ہے ۔ کورٹ نے مرکز اور سات ریاستوں کو چار ہفتوں کے اندر اندر حلف نامہ داخل کر وضاحت کی ہدایت دی ہے کہ خالی عہدوں پر کتنے وقت کے اندر اندر تقرریاں ہو ں گی۔ جسٹس اے کے سیکری اور جسٹس اشوک بھوشن کے بنچ نے کہا کہ مرکزی انفارمیشن کمیشن میں اس وقت چار عہدے خالی ہیں اور دسمبر تک چار دیگر خالی ہو جائیں گے۔ بنچ نے مرکز سے جاننا چاہا کہ 2016 میں اشتہارات دینے کے باوجود مرکزی انفارمیشن کمیشن میں عہدہ ابھی تک خالی کیوں ہیں؟ مرکز کی جانب سے اضافی سالسیٹر جنرل پنکی آنند نے کہا کہ مرکزی انفارمیشن کمیشن میں چار عہدوں پر تقرریوں کے لئے اشتہارات شائع کئے گئے تھے ؛کیونکہ 2016 کے اشتہارات کے بعد ان عہدوں پر تقرریاں نہیں کی گئی تھیں۔ اس پر بنچ نے آنندسے کہا کہ 2016 میں اشتہارات کے باوجود ان عہدوں پر عدم تقرریاں کے اسباب کی وضاحت کے ساتھ حلف نامہ داخل کیا جائے۔ ریاستی انفارمیشن کمیشن میں بھی زیر التوا مقدمات کی بڑھتی ہوئی تعداد پر تشویش کا اظہار کرتے ہوئے بنچ نے مہاراشٹر، آندھرا پردیش، اڑیسہ، تلنگانہ، گجرات، کیرل اور کرناٹک کو حلف نامے داخل کرنے کی ہدایت دی ہے ۔ ان حلف ناموں میں خالی عہدوں پر تقرریوں کا پروگرام بھی دینا ہوگا۔ عدالت نے کہا کہ مرکز یا ریاستوں کی طرف سے چار ہفتوں کے اندر اندر حلف نامہ داخل نہیں کئے جانے کو سنجیدگی سے لیا جائے گا۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔