بابری مسجد کی مقبوضہ اراضی : اسی ہفتہ سپریم کورٹ سے آ سکتا ہے بڑا فیصلہ

Source: S.O. News Service | By Staff Correspondent | Published on 25th September 2018, 11:45 AM | ملکی خبریں | ان خبروں کو پڑھنا مت بھولئے |

نئی دہلی25 ستمبر (ایس او نیوز؍آئی این ایس انڈیا)بابری مسجد کی مقبوضہ اراضی کے متعلق ایک اہم کیس میں سپریم کورٹ 28 ستمبر کو اپنا فیصلہ سنا سکتا ہے۔ سپریم کورٹ اس بات پر فیصلہ دے گا کہ مسجد میں نماز پڑھنا اسلام کا اہم جزو ہے یا نہیں۔ اس پر فیصلہ سنانے کے بعد ہی ٹائٹل سوٹ کے معاملے پر فیصلہ آنے کا امکان ہے۔1994 میں سپریم کورٹ کے بنچ نے فیصلہ دیا تھا کہ مسجد میں نماز پڑھنا اسلام کا اہم جزو نہیں ہے ، اس کے ساتھ ہی رام جنم بھومی میں جمود برقرار رکھنے کی ہدایت دی گئی تھی، تاکہ ہندو مذہب کے لوگ وہاں عبادت کر سکیں۔ابھی کورٹ اس بات پر غور کرے گا کہ کیا 1994 والے فیصلے کا جائزہ لینے کی ضرورت ہے یا نہیں۔کورٹ نے 20 جولائی کو فیصلہ محفوظ رکھا تھا۔ واضح ہو کہ ٹائٹل سوٹ سے پہلے یہ فیصلہ کافی بڑا ہو سکتا ہے۔ سپریم کورٹ کی ایڈوانس فہرست کے مطابق یہ فیصلہ لسٹ میں شامل ہے۔ واضح ہوکہ 1994 کے فیصلے میں پانچ ججوں کے بنچ نے کہا تھا کہ مسجد میں نماز پڑھنا اسلام کا اہم جزو نہیں ہے ۔ 2010 میں الہ آباد ہائی کورٹ نے فیصلہ دیتے ہوئے بابری مسجد کی اراضی کو ’آستھا‘ کے نام پر تین حصوں میں تقسیم کرنے کا فیصلہ کیا تھا ۔ 

ایک نظر اس پر بھی

کورٹ نے راجیو سکسینہ کو بیرون ملک جانے کی اجازت دینے والے عدالت کے فیصلے پر روک لگائی

سپریم کورٹ نے آگسٹا ویسٹ لینڈ ہیلی کاپٹر سودے سے منسلک منی لانڈرنگ معاملے میں سرکاری گواہ راجیو سکسینہ کو دیگر بیماریوں کا علاج کرانے کے لئے بیرون ملک جانے کی اجازت دینے کے دہلی ہائی کورٹ کے حکم پر بدھ کو روک لگا دی

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...