سلطان گڑھ جھرنا حادثے میں9 ؍ کی موت،تمام کی لاشیں بر آمد
شیو پوری،18؍اگست(ایس او نیوز؍آئی این ایس انڈیا ) شیو پوری ضلع کے سلطان گڑھ فال پر بدھ کوہوئے حادثے میں مارے گئے لوگوں کی تعداد9 تک پہنچ گئی ہے ۔ ان تمام نو لوگوں کی لاش مل گئی ہے ۔ تمام ہلاک شدگان ضلع کے رہنے والے ہیں۔
پولس نے بتایا کہ پچھلے تین دن سے چل رہی تلاشی مہم کے دوران آج صبح نویں شخص کی لاش پانی میں تیرتی ہوئی ملی۔ اس سے قبل کل آٹھ لوگوں کی لاش پانی میں ملی تھی۔
یہاں پر این ڈی آر ایف ،ایس ڈی آر ایف ،پولس دستہ اور مقامی غوطہ خوروں کی مدد سے تین دن سے پانی کی بہاؤ کی زد میں آئے لوگوں کی تلاشی مہم چل رہی تھی۔ بدھ کو سلطان گڑھ فال پر پکنک منانے کے دوران جھرنے کا پانی بڑھنے کے بعد یہاں پر پانی کے تیز بہاو میں کئی لوگ پھنس گئے تھے۔
یہاں پر 15گھنٹے کے ریسکیو مہم کے بعد 45لوگوں کے باہر نکالا گیا تھا ۔ یہاں پر پانی کے تیز بہاؤ کے درمیان کئی لوگوں کے غرقاب ہونے کی اطلا ع تھی جس میں سے نو لوگوں کی لاش اب تک مل چکی ہے۔جو لاشیں ملی ہیں ان کے نام نشی کانت کشواہ ،فیض علی خان،سریندر چوہان،ابھیشیک کشواہا،لوکیندر سنگھ کشواہا،بھوپیندر کشواہا،وشال چوہان،روی کشواہا اور سورج سنگھ کشواہا ہے۔