گھر میں تنہا رہنے والے بزرگ شخص کی لاش برآمد۔ قتل کیے جانے کا شبہ

Source: S.O. News Service | By Shahid Mukhtesar | Published on 9th September 2018, 12:41 PM | ساحلی خبریں |

سولیا 9؍ستمبر (ایس او نیوز) سولیا کے کلاچارے نامی گاؤں میں اپنے گھر پر تنہا رہنے والے ایک بزرگ شخص کی سڑی گلی لاش بر آمد ہوئی ہے جس کے بارے میں شبہ کیا جارہا ہے کہ ا س کا قتل کیا گیا ہوگا۔

بند گھر سے بر آمد ہونے والی لاش کی شناخت سبرامنیا بھٹ (60سال) کے طور پر کی گئی ہے۔بھٹ کی موت کے بارے میں پاس پڑوس والوں کو اس وقت پتہ چلا جب ایک ڈاکیہ بھٹ کے گھر پر ڈاک دینے کے لئے پہنچاتو اس نے گھر کے اندر سے بدبو آنے کی بات بتائی۔چونکہ کچھ دنوں سے پڑوسیوں نے بھٹ کو گھر سے باہر نکلتے نہیں دیکھاتھا اس لئے فوری طور پر پولیس کو اطلاع دی گئی۔

سبرامنیا پولیس اسٹیشن سے وابستہ افسران نے بھٹ کے گھر پر پہنچ کر جائزہ لیا تو وہاں پر سڑی گلی لاش برآمد ہوئی جسے دیکھنے کے بعد اندازہ لگایا گیا ہے کہ موت کم از کم دس دن پہلے واقع ہوئی ہوگی۔ سبرامنیا بھٹ کی اس موت کے تعلق سے ابھی یہ بات صاف نہیں ہوئی ہے کہ یہ خود کشی کا معاملہ ہے یا کسی نے اسے قتل کردیا ہے۔معلوم ہوا ہے کہ سبرامنیا بھٹ نے اپنی بیوی اور بچوں سے تعلقات منقطع کرلیے تھے اور وہ تنہا ہی گھر پر رہا کرتا تھا۔ اس کے علاوہ رقم قرض دینے کے کاروبار میں ملوث تھا۔

علاقے کے کچھ لوگوں نے شبہ ظاہر کیا ہے کہ جن لوگوں کے ساتھ رقم کے لین دین سے متعلق اس کا تنازعہ تھا ان لوگوں نے شاید تنہائی کا فائدہ اٹھا کر اسے قتل کردیا ہوگا۔حقیقت جو بھی ہوگی وہ پوسٹ مارٹم رپورٹ اور پولیس تحقیقات کے بعد ہی سامنے آئے گی۔ ضلع ایس پی ڈاکٹر روی کانتے گوڈا، پتّور ڈی وائی ایس پی سرینواس، مقامی سرکل انسپکٹر ستیش کمار، اسٹیشن ہاؤس آفیسر گوپال اور دیگر پولیس عملے نے موقع پر پہنچ کر معائنہ کیا۔ تحقیقات کے لئے فنگر پرنٹس ماہرین اور ڈاگ اسکواڈ کا بھی سہارا لیا گیا۔لاش کو پوسٹ مارٹم کے لئے منگلورو اسپتال میں منتقل کیاگیا۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

دارالعلوم اسلامیہ عربیہ تلوجہ میں علمائے شوافع کی جانب سے فقہی سمینار کا انعقاد ؛ علماء فقہائے شوافع نے حقیقتاً حدیث اور فقہ میں بہت نمایاں کام کیاہے: خالد سیف اللہ رحمانی 

بروز سنیچر 19؍ جنوری مجمع الامام الشافعی العالمی کی جانب سے دو روزہ پہلے فقہی سمینار کا آغاز کیا گیا اس سمینار کا افتتاحی جلسہ صبح 10؍ بجے جامعہ دارالعلوم اسلامیہ عربیہ تلوجہ ممبئی میں منعقد کیا گیا

بھٹکل: ریاست کے مشہور سد گنگامٹھ کے شری کمار سوامی جی کی وفات پر رابطہ ملت اترکنڑا کا اظہار تعزیت

ریاست کے قدآور ، معروف سد گنگا مٹھ کے شری کمار سوامی جی کے دارِ فانی سے کوچ کر جانے پر رابطہ ملت اترکنڑا ضلع کے عہدیداران نے اظہار تعزیت کرتے ہوئے کہا ہے کہ سوامی جی ملک کی ایک قوت کی مانند تھے۔

گنگولی کے آراٹے ندی میں غرق ہوکر لاپتہ ہونے والے ماہی گیر کی نعش آج برآمد

یہاں آراٹے ندی میں غرق ہوکر کل رات ایک ماہی گیر لاپتہ ہوگیا تھا، جس کی نعش آج متعلقہ ندی سے برآمد کرلی گئی ہے۔ ماہی گیر کی شناخت آراٹے کڑین باگل کے رہنے والے  کرشنا موگویرا (50) کی حیثیت سے کی گئی ہے۔

کنداپور میں ہوئی چوری کی واردات کے بعد پولس نے گھر میں نوکری کرنے والے میاں بیوی کوکیا گرفتار

کنداور دیہات کے سٹپاڑی کے ایک گھرمیں ہوئی  چوری کے معاملے میں کنداپور دیہی پولس نے فوری کارروائی کرتے ہوئے اسی گھر میں کام کرنےو الے میاں بیوی کو صرف دو دنوں میں ہی گرفتار کر کے معاملے کو حل کرنے میں کامیابی حاصل کرلی  ہے۔