کولکاتہ:19/ جنوری (ایس اونیوز /آئی این ایس انڈیا)ممتا بنرجی مودی حکومت کے خلاف ایک ریلی میں اپوزیشن جماعتوں کو متحد کرنے میں کامیاب رہیں۔ملک کی 20مختلف سیاسی جماعتوں کے لیڈران کو ایک اسٹیج پر دیکھا گیا ۔اس اسٹیج پرسابقہ بی جے پی حکومت میں وزیر رہے یشونت سنہا اور ارون شوری بھی شامل ہوئے ۔دونوں رہنماؤں نے ممتا کے اسٹیج سے مودی حکومت پر حملہ کیا۔یشونت سنہا نے اپوزیشن رہنماؤں سے اپیل کی ہے کہ مودی کو مسئلہ نہ بنائیں، مسئلہ کومسئلہ بنائیں۔وہیں ارون شوری نے اپوزیشن سے اتحاد کو برقرار رکھنے کی اپیل کی ۔یشونت سنہا نے ریلی میں کہا کہ وہ (حکمران پارٹی)کہتی ہے کہ مودی کو ہٹانے کے لئے ہم ساتھ ساتھ آئے ہیں لیکن مجھے یہاں بتانا کہ ہم مودی کو ہٹانے کے لئے نہیں ہیں۔سنہا نے کہا کہ یہ سوال کسی شخص کا نہیں ہے،یہ سوچ اور نظریات کا سوال ہے،ہم نظریہ اورسوچ کے خلاف احتجاج میں یہاں جمع ہوئے ہیں،آخری 56ماہ میں جو نقصان ہواہے،وہ جمہوریت کو ہوا ہے۔سابقہ بی جے پی حکومت میں مرکزی وزیر رہے یشونت سنہا نے کہا کہ بی جے پی نے ملک میں کسی بھی ادارے کو برباد کرنے کے لئے کوئی بھی کسرنہیں چھوڑی ہے،ہم جمہوریت کو بچانے کے لئے جمع ہوئے ہیں۔مودی ہمارے لئے ایک مسئلہ نہیں ہے لیکن مسائل کا مسئلہ ہے،وہ چاہتے ہیں کہ ہم مودی کو مسئلہ بنائیں، ہم مسئلہ کو مسئلہ بنائیں گے۔سابق مرکزی وزیر ارون شوروری نے کہا کہ اگر ہم اکیلے لڑیں گے تو مودی حکومت کو ملک کو برباد کرنے سے روک نہیں سکیں گے،اگر ہم گجرات میں ایک ساتھ لڑ رہے ہوتے تو نتیجہ مختلف ہوتا۔اسی طرح مدھیہ پردیش، چھتیس گڑھ اور راجستھان میں متحدہوتے تواور بہتر ہوتا۔انہوں نے کہا کہ بنگال کی شیرنی نے حزب اختلاف کو متحد کرنے کا کام کیا ہے۔ارون شوری نے کہاکہ کسی بھی حکومت میں رافیل کی طرح گھوٹالہ نہیں ہوا۔ایسی جھوٹ بولنے والی حکومت کبھی نہیں آئی۔اس حکومت نے ہرادارے کو برباد کر دیا ہے۔