ریاست میں بی جے پی کے مضبوط متبادل کا ابھرنا مشکوک: دیوے گوڈا

Source: S.O. News Service | By Shahid Mukhtesar | Published on 12th October 2018, 12:29 AM | ریاستی خبریں |

بنگلورو،11؍اکتوبر(ایس او نیوز) سابق وزیر اعظم اور جے ڈی ایس کے قومی سربراہ ایچ ڈی دیوے گوڈا نے اپنے سیاسی موقف سے اچانک انحراف کرتے ہوئے کہا ہے کہ اگلے لوک سبھا انتخابات میں بی جے پی کے خلاف متبادل سیاسی قوت کے ابھرنے کا امکان مشکوک نظر آرہاہے۔ آج شہر کے چتراکلا پریشد میں منعقدہ ایک تقریب سے خطاب کرتے ہوئے انہوں نے کہاکہ بی جے پی اور شیوسینا کو الگ کرکے تمام سیاسی پارٹیوں کو یکجا کرکے ایک متبادل سیاسی قوت بنانے کی پہل کے ساتھ کرناٹک میں مخلوط حکومت کا قیام عمل میں آیا ہے، لیکن یہ اتحاد کس حد تک کامیاب ہوگا اس بارے میں کچھ نہیں کہاجاسکتا۔ انہوں نے کہاکہ فی الحال جو بدنظمی ہے اسے دور کرنے کی حتی الامکان کوشش کی جائے گی۔ انہوں نے کہاکہ سیاسی میدان سے وہ کبھی پیچھے نہیں ہٹے ۔ ہمیشہ جدوجہد کے پس منظر سے انہوں نے خود کو آگے بڑھایا ہے۔ اس موقع پر سابق رکن اسمبلی وائی ایس وی دتہ نے خطاب کرتے ہوئے لوک نائک تحریک کے مختلف پہلوؤں کو اجاگر کیا ،اور کہا کہ اس تحریک کی ضرورت آج پہلے سے زیادہ ہے۔ انہوں نے کہاکہ آج سیاسی پارٹیوں کا مقصد صرف اقتدار حاصل کرنا اور اراکین اسمبلی کا مقصد صرف وزارت حاصل کرنے تک محدود ہوکر رہ گیا ہے۔اس سے ہٹ کر عوام کی خدمت کے جذبے کے ساتھ کام کرنے کی ضرورت ہے۔ سینئر صحافی سگاتا سرینواس نے خطاب کرتے ہوئے کہاکہ آج کے بزرگ سیاستدانوں کو ایسی روش اپنانی چاہئے جو آنے والی نسل کے لئے آسانی مہیا کراسکے۔ موجودہ بدنظمی کو دور کرنے میں بزرگ سیاست دانوں کا کلیدی کردار ضروری ہے۔ اس موقع پر بزرگ مجاہد آزادی ایچ ایس دورے سوامی اینگار کو سال رواں کے جئے پرکاش نارائن ایوارڈ سے سرفراز کیاگیا۔ اس موقع پر چتراکلا پریشد کے صدر بی ایل شنکر ، رکن کونسل شرونا اور دیگر موجود تھے۔

ایک نظر اس پر بھی

امبیڈنٹ گھوٹالہ پر پردہ ڈالنے کی منظم سازش گھپلہ باز وجئے تا تا کو بچانے میں سینئر پولیس افسرملوث :ویدیکے

امبیڈنٹ چٹ فنڈ کمپنی کے گھوٹالہ معاملہ پر پردہ ڈالنے کی منظم کوشش ہورہی ہے ۔ حکومت کرپٹ سیاستدانوں کو بچانے کیلئے امبیڈنٹ سے دھوکہ کھائے متاثرین کے ساتھ ناانصافی کررہی ہے۔

ریاست کرناٹک میں پلاسٹک پر پابندی سے تمام اقتصادی شعبہ جات متاثر

یاست کرناٹک اور خاص طور پر بنگلور شہر میں پلاسٹک پر پابندی کے اقدام کو حکام اور افسران کی طرف سے پوری شدت کے ساتھ نافذ کیا جا رہا ہے اور اس کی وجہ سے پلاسٹک کا کاروبار کرنے والے افراد خاص طورپر بہت ہی زیادہ متاثر ہو رہے ہیں۔

بی جے پی سیاسی فائدہ کی خاطر ایوان میں غیر ضروری معاملے نہ اٹھائے :ضمیر احمد خان وقف بورڈ میں دھاندلیوں کاجائزہ لینے حکومت نے کوئی کمیٹی تشکیل نہیں دی۔مانپاڑی کمیٹی غیر قانونی

ریاستی وزیر برائے امور اقلیت ، اوقاف اور حج بی زیڈ ضمیر احمد خان نے آج ریاستی قانون ساز کونسل میں کہا کہ بشمول شمالی کرناٹک ریاست کی ترقی اور مسائل پر بحث و مباحثہ کے لئے بیلگاوی اسمبلی سیشن منعقد کیا گیا ہے ۔