ریاستی وزارت میں توسیع کا امکان کھٹائی میں، اگلے انتخابات کیلئے امیدواروں کے انتخاب کا عمل جلد: پرمیشور

Source: S.O. News Service | By Jafar Sadique Nooruddin | Published on 21st April 2017, 2:39 AM | ریاستی خبریں |

بنگلورو:20/اپریل(ایس او نیوز)کرناٹک پردیش کانگریس کمیٹی کے صدر اور وزیر داخلہ ڈاکٹر جی پرمیشور کے اس بیان سے آج یہ اشارہ مل گیا کہ ریاستی کابینہ میں توسیع کھٹائی میں پڑ گئی کہ اے آئی سی سی جنرل سکریٹری ڈگ وجئے سنگھ کے حالیہ دورہئ بنگلور کے دوران کابینہ میں ردوبدل یا توسیع کے مسئلے پر کوئی بات چیت نہیں ہوئی۔اخباری نمائندوں سے بات چیت کرتے ہوئے انہوں نے کہاکہ ریاستی کابینہ میں توسیع یا ردوبدل کرنے کیلئے وزیر اعلیٰ سدرامیا مکمل اختیارات رکھتے ہیں۔ اس سلسلے میں مناسب وقت پر وہ مناسب فیصلہ لیں گے۔کے پی سی سی صدارت کیلئے ان کی جگہ کسی اور کو مقرر کئے جانے کے متعلق سوال پر ڈاکٹر پرمیشور نے کہا کہ یہ فیصلہ پارٹی اعلیٰ کمان کی طرف سے کیا جائے گا۔ 2018 کے اسمبلی انتخابات میں کانگرس پارٹی کی کامیابی کے امکانات کو ذہن میں رکھتے ہوئے یہ فیصلہ لیا جائے گا۔ اس سلسلے میں اعلیٰ کمان کی طرف سے جو بھی موقف اپنایا جائے گا وہ پارٹی کے ایک وفادار سپاہی ہونے کے ناطے اس پر عمل کریں گے۔ آنے والے اسمبلی انتخابات کیلئے پارٹی امیدواروں کا انتخاب کرنے کے عمل کو جلد شروع کرنے کانگریس کی تیاری کے بارے میں ایک سوال پر انہوں نے کہا کہ پارٹی کے مشاہدین کوہر اسمبلی حلقہ کا دورہ کرکے ممکنہ امیدواروں کی فہرست مرتب کرنے اور ان کی سیاسی صلاحیتوں کا جائزہ لینے کی ہدایت دی جاچکی ہے۔ مشاہدین کی طرف سے امیدواروں میں جیت کی صلاحیت کے متعلق جو رپورٹ ریاستی قیادت کو پیش کی جائے گی، اس کا ایک بار پھر جائزہ لیا جائے گا اور ممکنہ امیدواروں کی فہرست منظوری کیلئے اعلیٰ کمان کو روانہ کردی جائے گی، اس سے قبل پارٹی کے سبھی لیڈروں کو متنبہ کیا جاچکا ہے کہ اعلیٰ کمان کی طرف سے باضابطہ اعلان سے پہلے کوئی بھی اپنے آپ کو پارٹی کا امیدوار قرار دے اور نہ ہی انتخابی مہم شروع کرکے پارٹی کیلئے پریشانیوں کا سبب بنے۔

ایک نظر اس پر بھی

ہبلی:پبلک سیکٹر بینک ملازمین کا ملک بھر میں مرکزی حکومت کے خلاف احتجاج

مرکزی حکومت کے ذریعے نیشنل بینکوں کو ضم کرنے اور خانگیانے کولے کر تمام نیشنل بینک ملازمین نے یونائیٹیڈ فورم آف بینک یونینس (یوایف بی یو) کی سرپرستی میں تجارتی شہرہبلی میں زبردست احتجاج کرتے ہوئے سخت مخالفت کی۔جس کے نتیجے میں شہرکے نیشنل بینکوں میں کام کا ج میں دقت وپریشانی ...

بنگلورومیں بین ریاستی چوروں کی ٹولی گرفتار 50؍لاکھ کا مسروقہ مال اور کاریں ضبط

تملناڈو کے ہر کونم میں موجود انڈین نیوی کیمپس میں گھس کر ایک افسر کی پستول چھین کر اسے قتل کرنے کی کوشش کرنے والے ملزم سمیت 4؍بین ریاستی چور اور مکانوں میں چوری کرنے والے 3؍ملزمین کو ساؤتھ۔ ایسٹ ڈویژن پولیس نے گرفتار کرکے ان کے قبضہ سے 50؍لاکھ روپئے مالیت کا مسروقہ مال ضبط کرلیا ...

گنیش تہوار سے قبل محکمہ ٹرانسپورٹ کے تبادلے شروع ہوں گے: رام لنگاریڈی

ریاستی وزیر برائے ٹرانسپورٹ رام لنگاریڈی نے کہاکہ محکمہ ٹرانسپورٹ کے چاروں ٹرانسپورٹ کارپوریشنوں کے ملازمین کی کئی دنوں سے بین کارپوریشن تبادلوں کی مانگ کررہے ہیں، یہ اقدامات گنیش تہوار سے قبل شروع کردیئے جائیں گے،

بنگلورو:جسمانی و روحانی علاج کا ایک نیا مرکز ’’ہولیاسٹک لائف کئیر ‘‘اسپتال کا افتتاح :آیوروید ، ہومیوپیتھی سمیت کئی طریقوں سے علاج

بنگلورو کے الکٹرانک سٹی کے پرسکون مقام پر انسانی خدمت کاجذبہ و مقصد لے کر نیچروپیتھی ، یونانی ، یوگا، ہومیوپیتھی ، اکو پنچر،فزیاتھیروپی ،پرافیٹک میڈیشن پر مشمل ہر قسم کی بیماریوں کے علاج کے لئے ’’ہولیاسٹک لائف کئیر ‘‘نامی اسپتال کا وزیراعظم کے سابق مشیر ابو صالح شریف کے ...

ہبلی:آل انڈیا رورل پوسٹ ورکرس یونین کی طرف سے غیر معینہ مدت کا احتجاج

آل انڈیا دیہی پوسٹل ورکرس اسوسی ایشن ہبلی شاخ کی طرف سے 7ویں پے کمیشن کے کملیش چندر کی رپورٹ کو معمولی ترمیمات کے ساتھ نافذ کرنے سمیت کئی ایک مطالبات کو لےکرہبلی پوسٹ آفیس کے روبر غیر معینہ مدت کا احتجاج شروع کیا۔

22اگست کوبیلگاوی میں ہوگی عالمی لنگایت کانفرنس؛ ریاستی مٹھوں کے سوامیوں کے علاوہ مشہور و معروف سیاسی شخصیات بھی کریں گے شرکت

لنگایت فرقے کے ایک اہم لیڈر پٹنا شیٹی کے بیان کے مطابق بیلگاوی میں 22اگست کو عالمی لنگایت کانفرنس کا انعقاد ہوگا۔اس میں ریاستی مٹھوں کے سوامیوں کے علاوہ مشہور و معروف سیاسی شخصیات بھی شرکت کریں گی۔