بھٹکل میں تیز رفتار بائک حادثے کا شکار؛ طالب العلم شدید زخمی
بھٹکل 19/اکتوبر (ایس او نیوز) یہاں جامعہ آباد روڈ ، نزد ابوبکر صدیق مسجد کے قریب ایک تیز رفتار بائک بے قابو ہوگئی اور اسکیڈ ہوکر سڑک کنارے جاگری ، جس کے نتیجے میں بائک سوار شدید زخمی ہوگیا جسے ابتدائی طبی امداد کے بعد زائد علاج کے لئے پہلے ہوناور پھر وہاں سے مینگلور اسپتال منتقل کئے جانے کی خبر موصول ہوئی ہے۔ حادثہ جمعرات صبح قریب 11:30 بجے پیش آیا۔
ذرائع سے ملی اطلاع کے مطابق بائک سوار ابراہیم احمد (18) قریبی مدرسہ میں امتحان ختم کرنے کے بعد اپنے گھر کمٹہ جانے کے لئے نکلا تھا، مگر ابوبکر مسجد کے قریب حادثے کا شکار ہوگیا، اسے فوری طور پر بھٹکل سرکاری اسپتال منتقل کیا گیا، جہاں سے اُسےہوناور کے بعد اب اُسے مینگلور اسپتال لے جایا جارہا ہے۔ بتایا گیا ہے کہ اس کےسر اور چہرے پر زخم لگے ہیں۔ وہ قریبی مدرسہ میں خصوصی اول کا طالب العلم ہے۔