دیوبند کے بخارزدہ مریضوں کے لئے تنظیم ابناء مدارس کا امدادی کام مسلسل جاری

Source: S.O. News Service | By Staff Correspondent | Published on 25th September 2018, 2:26 PM | ملکی خبریں | ان خبروں کو پڑھنا مت بھولئے |

دیوبند 25 ستمبر (ایس او نیوز) دیوبند میں وائرل ڈینگو ملیریا اور ٹائیفائڈ میں مبتلا سینکڑوں طلباء اور اہالیان شہر کی گزشتہ کل عیادت و مزاج پرسی کے بعد آج تنظیم ابناء مدارس ویلفیئر ایجوکیشنل ٹرسٹ  کے چیئرمین اور دیوبند اسلامک اکیڈمی کے ڈائریکٹر مہدی حسن عینی قاسمی کی قیادت میں ایک وفد نے شہر کے مختلف اسپتالوں کا  دورہ کیا اور بلاتفریق مذھب سینکڑوں ہندو مسلم مریضوں اور طلباء کرام  کو متعدد پھلوں اور مشروبات پر مشتمل کٹ تقسیم کیا ۔

مہدی حسن عینی نے بتایا کہ انسانیت کی خدمت ہمارا بنیادی فریضہ ہے،مریضوں کو طبی امداد پہونچانا ہمارا مقصد ہے ابناء مدارس ٹرسٹ اور دیوبند اسلامک اکیڈمی اس سلسلہ میں مستقل کوشاں ہی وفد میں شامل قاری ناصر الدین قاسمی نے بتایا کہ تنظیم دیوبند میں پھیلی وبائی بیماریوں میں مبتلا مریضوں  اور طلباء کی مانیٹرنگ کرکے ان کو ہر ممکن مدد پہونچانے کا کام کررہی ہے 

اسی سلسلہ میں آج ڈی.کے جین ہاسپٹل، عدنان ہاسپٹل،بھارت چیریٹیبل ہاسپٹل، الحیات ہاسپٹل سمیت شہر کے چھوٹے بڑے اسپتالوں میں جان،لیوا بیماریوں میں مبتلا سینکڑوں مریضوں کے درمیان  مقوی پھلوں کے کٹ،مشروبات اور ضروری امداد پہونچائی گئی نیز ایسے نادار طلباء کی شناخت کی گئی جن کی حالت زیادہ مخدوش ہے اور انہیں فوری مدد کی ضرورت ہے اور ان کی امداد کے لئے ایک ٹیم بھی تشکیل دی گئی ہے ۔

وفد نے اس موقعہ پر ڈاکٹر ڈی کے جین اور ڈاکٹر عدنان وغیرہ سے ملاقات کرکے طلباء کے سلسلے میں ضروری بات چیت بھی کی اور ڈاکٹروں سے بیمار طلباء کی جملہ تفصیلات حاصل کی ڈاکٹر ڈی کے جین کے مطابق ان امراض کی بنیادی وجہ گندگی،آلودگی اور تعفن کی وجہ سے پیدا ہونے والے جراثیم ہیں ۔

انہوں نے مدارس کے ذمہ داروں بالخصوص دارالعلوم دیوبند سے اپیل کی ہے طلباء کی رہائش گاہوں،گلیوں اور غسل خانوں میں فاگنگ و بلیچنگ کا کام کیا جائے تاکہ جراثیم کا خاتمہ ہو تنظیم کے فعال رکن مولانا محمود قاسمی بہرائچی  نے بتایا کہ تنظیم نے  مریضوں کو تین ہیلپ لائن  نمبرات بھی دئیے ہیں جن پر رابطہ کرکے ضرورت مند طلباء فوری مدد حاصل کرسکتے ہیں ۔

وفد میں  ناصرالدین قاسمی،مفتی حنیف قاسمی،خورشید قاسمی محمود قاسمی بہرائچی،توقیر غازی قاسمی،شمیم خاں قاسمی کے علاوہ اعجاز قاسمی، طارق قاسمی،عبید اللہ قاسمی،مرغوب الرحمان قاسمی،فیصل حمید خان، کلیم قاسمی،جنید قاسمی وغیرہ بھی شامل تھے.

ایک نظر اس پر بھی

گجرات کیس:مودی اور امت شاہ کو بہار میں انتخابی مہم نہیں کرنے دیں گے: کانگریس 

گجرات معاملے کو لے کر بہار کی سیاسی فضا گرمائی ہوئی ہے۔ جہاں ایک طرف بی جے پی، کانگریس پر بہار کے لوگوں کے خلاف ہوئے تشدد کے لئے ذمہ دار بتا رہی ہے، وہیں اب کانگریس نے اپنے تیور تیکھے کر دیئے ہیں۔

گنگاصفائی بھی جملہ نکلا،آلودگی بڑھنے کی رپورٹ پرکانگریس کاحملہ

کانگریس نے گزشتہ چار سال کے دوران گنگا میں آلودگی بڑھنے کی خبرکے سلسلے میں بھارتیہ جنتا پارٹی پر طنز کرتے ہوئے جمعرات کو کہا ہے کہ 2014کے عام انتخابات میں صاف شفاف گنگا کے وعدے کے ساتھ اقتدار میں آئی مودی حکومت کا ’نمامی گنگا‘پروگرام بھی جملہ ثابت ہوا ہے۔

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...