بنارس ہندو یونیورسٹی میں غیر ملکی طالب علم کے ساتھ مارپیٹ 

Source: S.O. News Service | By Shahid Mukhtesar | Published on 16th October 2017, 12:34 PM | ملکی خبریں |

وارانسی،15؍اکتوبر (ایس او نیوز؍آئی این ایس انڈیا)بنارس ہندویونیورسٹی کے بین الاقوامی ہاسٹل میں رہ کر تعلیم حاصل کرنے والے فیجی کے ایک طالب علم نے اپنے سینئر طالب علموں پر ریگنگ اور مارپیٹ کرنے کا الزام لگایا ہے۔ فیجی رہائشی بی اے فرسٹ ایئر کے طالب علم منیش کرشل کا الزام ہے کہ 13 اکتوبر کو لال بہادر شاستری ہاسٹل کچھ سینئر طلبانے اس کے ساتھ ریگنگ اور مارپیٹ کی۔ جس کی شکایت اس نے پراکٹوریل بورڈ فجی سفارت خانہ میں کی تھی ۔ پھر ہفتہ کی شام کو میتری ہاسٹل کے پاس ان ہی طلبا نے منیش کرشل کو دیکھا تو اس کی جم کر پٹائی کر دی۔ اس پر کل کے واقعہ کے بعد اس نے دوبارہ پر اکٹوریل بورڈ سے تحریری شکایت کی جسے لنکا تھانے بھیج دیا۔ اتوار کو لنکا تھانے میں اس معاملے میں مقدمہ درج کر لیا گیا ہے۔ غور طلب ہے کہ حال ہی میں احاطے میں طالبات کے ساتھ ہوئی چھیڑخانی کے بعد یونیورسٹی انتظامیہ کو طالبہ و طالبات کی بھاری نفری کے اشتعال کا سامنا کرنا پڑا تھا ۔یونیورسٹی انتظامیہ نے اس پر اپنی حساسیت دکھاتے ہوئے اہم سیکورٹی افسر کو معطل کرکے نئی خواتین سیکورٹی افسر کی تقرری کی تھی۔ ساتھ ہی طلبہ و طالبات کی حفاظت کو لے کر تمام پختہ انتظامات کا دعوی بھی کیا گیا تھا ۔ لنکا کے علاقائی کمشنر سنجیو مشرا نے بتایا کہ فیجی باشندہ منیش کرشل کے ساتھ 13 اکتوبر کو اسی کی فیکلٹی کے کچھ طالب علموں نے مارپیٹ کی، جس کی شکایت اس نے پراکٹوریل بورڈ سے کی تھی؛ لیکن کوئی کارروائی نہیں ہوئی۔ پھر ان طالب علموں نے ہفتہ کو دوبارہ منیش کرشل کا تعاقب کیا تو وہ اپنی جان بچا کر میتری ہاسٹل پہنچا ؛ لیکن وہاں بھی منیش کرشل کے ساتھ مبینہ مار پیٹ کی گئی ۔ انہوں نے بتایا کہ چار نامعلوم افراد کے خلاف مقدمہ درج کیا گیا ہے منیش کرشل کسی کا نام نہیں جانتا لیکن اس کا دعوی ہے کہ اگر وہ سامنے آئے تو مار پیٹ کرنے والوں کی شناخت کرلیں گے۔ پولیس ملزم طلبہ کی تلاش کر رہی ہے۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...