کنداپورمیں یوم آزادی کی تقریب میں شامل طالب علم پر دل کا دورہ پڑنے سے موت
کنداپور 18؍اگست (ایس او نیوز)کنداپور کے بی بی ہیگڈے فرسٹ گریڈ کالج میں جشن آزادی کی تقریب میں شامل ایک طالب علم اچانک بے ہوش ہوکر گرپڑا جس کے بعد اسپتال میں اس کی موت واقع ہوگئی۔ واردات یوم آزادی کی تقریب منانے کے دوران یعنی 15/ اگست کو پیش آئی۔
موصولہ رپورٹ کے مطابق امیت پجاری (۲۱سال) نامی نوجوان بی کام فرسٹ ایئر کا طالب علم تھا۔ کہا جاتا ہے کہ اسے کم عمری ہی سے دل کا عارضہ لاحق تھا اور اس کا علاج چل رہا تھا۔ یوم آزادی کی تقریب میں جب وہ اچانک گرپڑاتو اسے فوری طور پر قریبی نجی اسپتال منتقل کیا گیا مگر علاج کارگر نہ ہوسکا اور حرکت قلب بند ہوجانے سے وہ جانبر نہ ہوسکا۔
