نئی دہلی ،16؍ اکتوبر (ایس او نیوز؍آئی این ایس انڈیا) مرکزی وزیر داخلہ کرن رججو نے منگل کو کہا کہ دہلی پولیس یہاں پانچ ستارہ ہوٹل کے گیٹ پرمبینہ طور پر ہتھیار لہرانے کے لئے ایک بی ایس پی لیڈر کے بیٹے کے خلاف سخت اور مناسب کارروائی کرے گی۔سوشل میڈیا پر وائرل ہوئے ایک ویڈیو میں بی ایس پی کی اترپردیش یونٹ کے رہنما راکیش پانڈے کے بیٹے آشیش پانڈے کو مبینہ طور پر ہوٹل میں بندوق لہراتے دیکھا جا سکتا ہے۔رججو نے ٹوئٹر پر ویڈیو ڈالتے ہوئے لکھاکہ دہلی پولیس نے واقعہ کو لے کر کارروائی شروع کر دی ہے، اس معاملے کی ویڈیو میڈیا میں بھی دکھایا جا رہا ہے۔اسلحہ ایکٹ اور تعزیرات ہندکے تحت ایف آئی آر درج کی گئی ہے۔ساتھ ہی دیگر لوگوں کی شناخت کی توثیق کیا جا رہی ہے۔ یہ واقعہ 13 اکتوبر کی صبح کو پیش آیا تھا۔پولیس نے بتایا کہ واقعہ کو لے کر آر کے پورم علاقے میں واقع حیات ریجنسی ہوٹل کے اسسٹنٹ سکیورٹی منیجر نے پیر کو پولیس میں شکایت درج کرائی گئی تھی۔اس کے بعد لک آؤٹ نوٹس جاری کی گئی۔ انہوں نے بتایا کہ معاملے کی جانچ کی جا رہی ہے۔