کولکاتہ15اگست(ایس او نیوز؍آئی این ایس انڈیا)مغربی بنگال کی وزیراعلیٰ ممتا بنرجی نے 72ویں یوم آزادی پر لوگوں کو مبارکباد دیتے ہوئے کہا کہ ملک کو آئین سازوں کی خواہشوں کے مطابق اونچائیوں پر پہنچایا جانا چاہئے۔
محترمہ بنرجی نے اپنے پیغام میں کہامیرے بھائیوں اور بہنوں یوم آزادی کی بہت بہت مبارکباد۔ آئین سازوں کی خواہشات وتوقعات کے مطابق ملک کو نئی اونچائیوں پر پہنچایا جاناچاہیے۔آیئے ہم،اپنے مجاہدین آزادی کی خواہشات کے مطابق 'آئڈیا آف انڈیا' کیسجائے گئے خواب کو حقیقی معنوں میں مکمل کریں۔
دارالحکومت کولکتہ کیریڈ روڈ پر رسمی مارچ پریڈ اور جشن آزادی کی تقریبات شاندار طریقے سے منعقدکیے گئے۔پولیس، سیکورٹی فورسز کے جوان اور طالب علموں نے دلکش پروگرام پیش کئے۔ اس کے ساتھ ہی ثقافتی اور کھلاڑیوں کے گروپ نے پروگرام پیش کئے اور مختلف محکموں کی جھانکیاں بھی نکالی گئیں۔
اس موقع پر پریڈ اور ثقافتی تقریبات بھی منعقدکیے گئے۔اس سال کی یوم آزادی پریڈ میں ریاستی حکومت نے فرقہ وارانہ ہم آہنگی کا پیغام دیا۔ پریڈ میں ہم آہنگی کے موضوع پر مبنی ایک جھانکی پیش کی گئی۔
ریاستی حکومت کے کئی منصوبوں کی جھلک پیش کرتی ہوئی کئی جھانکیاں نکالی گئیں۔ لوک فنکاروں نے ان جھانکیوں پر اپنی شاندار کارکردگی کا مظاہرہ کیا۔ ان پریزنٹیشنز میں ریاست میں’’کثرت میں وحدت‘‘کا پیغام بھی موجود تھا۔
اس موقع پر بہترین خدمات انجام دینے والے پولیس افسران کو وزیر اعلی نے پولیس میڈل سے نوازا۔ان میں مغربی بنگال کے پولیس ڈائرکٹر جنرل ویرندر، ایڈیشنل پولیس کمشنر (دوم) جاوید شمیم، ڈائرکٹر سیکورٹی، اجے کمار نند، پولیس سپرنٹنڈنٹ (ہوڑہ دیہی) گورو شرما،ڈی سی ڈی ڈی (II) نیلو شیرپا چکرورتی، کلیان چک تھانے کے انچارج سمن چٹرجی، خصوصی سیکورٹی یونٹ کے کے دویدی اور خصوصی سیکورٹی یونٹ (کے پی) مسٹر گوسوامی شامل ہیں۔