دلتوں اور مسلمانوں کو جھوٹے معاملات میں پھنسانے کی بات کہنے والی خاتون پولس آفسر کی وڈیو وائرل ہونے کے بعدسنسنی

Source: S.O. News Service | By I.G. Bhatkali | Published on 3rd December 2018, 7:11 PM | ملکی خبریں |

ممبئی 3/ڈسمبر (ایس او نیوز) مہاراشٹر کے بیڑھ  ضلع سے ایک خاتون پولس آفسر کا  ایک  سنسنی خیز  ویڈیو  وائرل ہونے کے بعد پورا پولس محکمہ سوالات کے  گھیرے میں آگیا ہے اور عوام اس سوچ میں پڑ گئے ہیں کہ کس طرح مسلمانوں اور دلتوں کو جھوٹے معاملات  میں پھنسایا جاتا ہے اور پولس  کے پاس مدد طلب کرنے کے لئے  جانا مسلمانوں اور دلتوں پر کس طرح بھاری پڑ سکتا ہے۔

 اس وڈیو نے نہ صرف پورے مہاراشٹرا بلکہ پورے ملک میں سنسنی  مچا دی ہے،جس میں  ایک خاتون  پولس آفسر دلتوں اور مسلمانوں کے بارے میں بہت ہی قابل اعتراض بیان دے رہی  ہے۔ 

ذرائع کی مانیں تو  اس ویڈیو میں نظر آنے والی   "بھاگیہ شری نو ٹاکے" ہے جو نہایت کافی  قابل اعتراض بات کرتے ہوئے  کہہ رہی  ہے کہ میں دلتوں کا ہاتھ پیر باندھ کر اُن کےاوپرAttrocity ایکٹ کا  غصہ نکالتی ہوں ۔

بھاگیہ شری مجلگائوں تعلقہ کی ڈی ایس پی ہے، وڈیو میں خاتون آفسر یہ بھی کہتی ہوئی  سنی جارہی ہے کہ انہوں نے ایسے 21 دلتوں پر فرضی کیس تھوپے   ہیں جو اُن کے تھانہ میں SC/ST ایکٹ کے تحت معاملات  درج کرانے آئے تھے۔ وڈیو کی شروعات میں وہ کہتی ہے کہ انہوں نے مسلمانوں کے خلاف انڈین پینل کوڈ کی دفعہ 307 یا قتل کی کوشش کے  ایکٹ کے تحت معاملے بھی درج کئے ہیں تاکہ اُنہیں آسانی سے ضمانت نہ مل سکے۔

 اس وڈیو میں ڈی ایس پی بھاگیہ شری مراٹھیوں کے ایک وفد سے بات کررہی ہے، اُن کی بات چیت سے ایسا محسوس ہوتا ہے کہ بات کرنے والے لوگ SC/ST ایکٹ کے معاملے  میں  گرفتاری کے بعد ضمانت حاصل کرنے کے لئے اُن سے صلاح لینے پہنچے تھے۔ لیڈی پولس آفسر وفد کے لوگوں سے کہتی ہے کہ  اگر وہ اُنہیں ابھی چھوڑ دیتی ہے تو  پرتشدد ردعمل سامنے آسکتا ہے۔

ڈی ایس پی بھاگیہ شری  یہ  کہتی ہوئی بھی نظر آرہی ہے  کہ انہوں نے اسی طرح کے ایک کیس کو پونے میں  ڈیل کیا تھا، جب وہ پونے شہر کے قریب پمپری  میں تعینات تھی. ڈی ایس پی کہتی ہے  کہ تین دنوں تک انہوں نے ملزم مراٹهی شخص  کو گرفتار نہیں کیا اور اس کے بدلے میں ملزم کو ہی بتایا کہ کس طرح وہ  دلت کے خلاف  جھوٹا کیس دائر کرے. انہوں نے ملزم کو مشورہ دیا تھا کہ تعزیرات ہند کی دفعہ 122 کے تحت وہ دلت کے اوپر ہی کیس درج کریں کیونکہ یہ  بغیر لائسنس کے ہتھیار رکھنے کا جرم ہے.

ڈی ایس پی کا یہ ویڈیو نہ صرف تیزی سے سوشیل میڈیا پر وائرل ہو  رہا ہے.بلکہ اب تو یہ وڈیو کلپ ٹی وی نیوز چینلوں پر بھی دکھایا جارہا ہے جس کے بعد  محکمہ پولس میں ہلچل مچ گئی ہے تاہم، ابھی تک اس معاملے میں کوئی سرکاری ردعمل سامنے  نہیں آیا ہے۔

ایک نظر اس پر بھی

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...

لوک سبھا انتخابات؛ آخری مراحل کے انتخابات جاری؛ 918 اُمیدواروں کی قسمت داو پر؛ ای وی ایم میں خرابی کی شکایتیں؛ بنگال میں دو کاروں پر حملہ

لوک سبھا انتخابات کے ساتویں  اور آخری مرحلہ کے لئے اتوار کی صبح 7 بجے سے ووٹنگ جاری ہے۔جس میں  918 امیدواروں کی قسمت دائو پر لگی ہوئی ہے۔آج جاری انتخابات میں  وزیر اعظم نریندر مودی کا حلقہ انتخاب وارانسی بھی شامل ہے۔ 

دہشت گرد ہر مذہب میں ہیں: کمل ہاسن

تنازعات میں گھرے اداکار لیڈر کمل ہاسن نے جمعہ کو کہا کہ ہر مذہب میں دہشت گرد ہوتے ہیں اور کوئی بھی اپنے مذہب کوبہترین ہونے کا دعویٰ نہیں کر سکتا۔

بی جے پی کو280 سے زیادہ سیٹیں ملیں گی، این ڈی اے کی سیٹیں 300 سے متجاوز ہوں گی: پی مرلیدھر راؤ

بی جے پی لیڈر رام مادھو کے تخمینے کو مسترد کرتے ہوئے پارٹی کے سینئر لیڈر پی مرلیدھر راؤ نے کہا کہ بھگوا پارٹی کو 280 سے زیادہ سیٹیں ملیں گی جبکہ این ڈی اے کے سیٹوں کی تعداد 300 کے پار ہوں گی۔

مالیگاؤں 2008بم دھماکہ معاملہ: اے ٹی ایس کی عدالت سے غیر حاضری کے معاملے میں عدالت کا دخل دینے سے انکار

مالیگاؤں 2008 بم دھماکہ متاثرین جانب سے خصوصی این آئی اے عدالت میں داخل عرضداشت جس میں اس معاملے کی سب سے پہلے تفتیش کرنے والی تفتیشی ایجنسی ATSکی عدالت سے غیرحاضری پر سوال اٹھایا گیا تھا کو عدالت نے یہ کہتے ہوئے خارج کردیا کہ اے ٹی ایس کو پابند کرنا اس کے دائرہ اختیار میں نہیں ہے ...