اسٹیون فن کی انگلینڈ ٹیسٹ ٹیم میں واپسی
لندن،یکم اگست(ایس او نیوز؍آئی این ایس انڈیا)انگلینڈ نے جنوبی افریقہ کے خلاف چوتھے اور آخری ٹیسٹ میچ کے لئے 13رکنی ٹیم کا اعلان کر دیا ہے۔اسٹیون فن کو زخمی مارک ووڈ کی جگہ ٹیم میں شامل کیا گیا ہے۔فن نے اپنا آخری ٹیسٹ بنگلہ دیش کے خلاف کھیلا تھا۔اس ٹیسٹ میں بنگلہ دیش نے مہمان انگلینڈ ٹیم کو شکست دی تھی۔بتا دیں کہ ووڈ زخمی ہونے کی وجہ سے تیسرے ٹیسٹ میں نہیں کھیل سکے تھے۔ان کی جگہ ٹوبی رولینڈ-جونز کو کھلایا گیا تھا، یہ ان کا پہلا بین الاقوامی ٹیسٹ میچ تھا۔انگلینڈ نے جنوبی افریقہ کے خلاف فی الحال ٹیسٹ سیریز میں 2-1کی برتری حاصل چکی ہے۔تیسرے ٹیسٹ میں رولینڈ-جونز پورے میچ میں 8وکٹ لئے تھے،جس کی بدولت انگلینڈ نے جنوبی افریقہ کے خلاف آسانی سے جیت درج کی۔جنوبی افریقہ کی جانب سے سلامی بلے باز ڈین ایلگرکی نے شاندار سنچری جمائی،مگر وہ اپنی ٹیم کو جیت نہیں دلا سکے۔معین علی نے ڈین ایلگر( (136کو اپنا شکار بنایا۔اس کے بعد علی نے اپنی اسپن کا جادو چلاتے ہوئے کگسو رباڈا اور مورنے مورکل کو مسلسل گیندوں پر آؤٹ کر ہیٹ ٹرک لی تھی۔
انگلینڈ ٹیم اس طرح ہے:ایلسٹر کک، کیٹن جننگس، ٹام ویسٹلے، جو روٹ (کپتان)، داؤد مالن، بین اسٹوکس، جانی بیرسٹو، معین علی، اسٹیورٹ براڈ، ٹوبی رولینڈ-جونز، جیمز اینڈرسن، اسٹیون فن اور لیام ڈاوسن۔