طالبہ کی عصمت ریزی کرنے والا سوتیلا باپ گرفتار
ہلیال،20؍جنوری (ایس او نیوز)شہر کے ہائی اسکول میں زیر تعلیم ایک طالبہ کی عصمت ریزی اسی کے سوتیلے باپ نے کی ، جس کے بعد پولیس نے طالبہ کا طبی معائنہ کیا اور ملزم پرشو رام پاٹل کو گرفتار کرلیا۔
موصولہ رپورٹ کے مطابق پرشو رام مذکورہ طالبہ کی ماں کا سابقہ شوہر ہے، جس کے خلاف پولیس نے پوکسو ایکٹ کے تحت معاملہ درج کیا ہے۔اس معاملے کا اہم پہلو یہ ہے کہ سر چکرانے کی شکایت پر لڑکی کو یہاں کے سرکاری اسپتال میں علاج کے لئے لے جایا گیا تو پتہ چلا کہ وہ تین مہینے کی حاملہ ہے۔ جس بعد لڑکی کی ماں نے ہی یہ بات بتائی ہے کہ پرشو رام نے کئی مرتبہ اس بچی کی آبروریزی کی تھی۔بچی کی ماں کی شکایت پر کارروائی کرتے ہوئے پولیس نے ایک گھنٹے کے اندر گرفتار کرلیا اور عدالت میں کرتے ہوئے مزید تحقیقات شروع کردی ہے۔