نئی دہلی8دسمبر(ایس او نیوز؍آئی این ایس انڈیا) کانگریس صدر راہل گاندھی نے پارٹی کارکنوں سے کہا کہ تلنگانہ اور راجستھان میں پولنگ ہو چکی ہے، اس لیے وہ’’وی ایم سے چھیڑ چھاڑ‘‘کے تئیں ہوشیار رہیں۔انہوں نے آگاہ کرتے ہوئے کہاہے کہ مودی کے بھارت میں، ای وی ایم کے پاس پراسرار طاقتیں ہیں۔راہل گاندھی نے ٹویٹ کرکے کہاہے کہ کانگریس پارٹی کے کارکن مکمل ہوئے انتخابات کے بعد محتاط رہیں۔ مدھیہ پردیش میں پولنگ ختم ہونے کے بعد وی ایم نے عجیب طریقے سے برتاؤکیاہے۔ کچھ لوگوں نے ایک بس چرالی اور دودن کے لیے غائب ہو گئے ! وہ ایک ہوٹل میں جام کرتے پائے گئے۔کانگریس سربراہ نے مدھیہ پردیش کے ساگرکے ایک واقعہ کا ذکر کیا، جہاں بغیر رجسٹریشن نمبر والے گاڑی سے ای وی ایم کو لے جایا گیا اورووٹنگ ختم ہونے کے 48 گھنٹے بعد وی ایم کو کلیکشن سینٹر پہنچ گئے۔دوسرے واقعہ میں، دو پولنگ افسر بھارتیہ جنتا پارٹی کے ایک کارکن کے ہوٹل کے اندروی ایم کے ساتھ شراب پیتے پائے گئے تھے۔کاگرنیس نے اس بابت منگل الیکشن کمیشن میں اس واقعہ کے سلسلے میں رپورٹ درج کرائی تھی۔