بھٹکل تنظیم وفد کی یوٹی قادر سے ملاقات : زوننگ رگیولیشن ماسٹر پلان قانون ضلع اُترکنڑا میں بھی جاری کئے جانے کا مطالبہ

Source: S.O. News Service | By Abu Aisha | Published on 11th August 2017, 9:32 PM | ساحلی خبریں | ان خبروں کو پڑھنا مت بھولئے |

بھٹکل:11/اگست (ایس اؤنیوز)ساحلی پٹی پر واقع دکشن کنڑا اور اُڈپی اضلاع کی طرح اترکنڑا ضلع میں بھی زوننگ رگیولیشن ماسٹر پلان جاری کرنےکا مطالبہ لے کر مجلس اصلاح وتنظیم بھٹکل کے عہدیداران اور ذمہ داران نے حکومت پر دباؤ ڈالنے کے لئے ریاستی وزیر یوٹی قادر کو میمورنڈم پیش کیا۔

میمورنڈم میں کہا گیا ہے کہ ساحلی پٹی کے دکشن کنڑا اور اُڈپی اضلاع میں زوننگ رگیولیشن ماسٹر پلان کے ذریعے وہاں کے مکینوں کو نئے مکانات کی تعمیر کے لئے بہترین سہولت مہیا کی گئی ہے۔ لیکن تعجب کی بات ہے کہ پڑوس کے ساحلی ضلع اترکنڑا میں مکانات کی تعمیر ، مرمت اور رجسٹریشن کے لئے بہت سارے کٹھن قانون نافذ کئے گئے ہیں۔ جس سے ضلع میں نئے مکانات کی تعمیر ناممکن ہونے سے ضلع کی ترقی رک سی گئی ہے۔میمورنڈم میں کہا گیا ہے کہ اس سے قبل ’’ٹکڑا زمین ‘‘(تُنڈ بھومی )نامی قانون جاری تھا۔

میمورنڈم میں کہاگیا ہے کہ اترکنڑا ضلع میں صرف 18فی صد زمین ذاتی ملکیت ہے بقیہ پوری زمین فاریسٹ اور ہاڑی کی ہے، جتنی زمین جو کچھ میسر ہے وہ بھی قومی شاہراہ اور اس کی توسیع ، ریاستی شاہراہ، کونکن ریلوے اور ساحل پر سی آر زیڈ ، شہری سطح پر آثار قدیمہ کا قانون ، ایسے کئی سارے قوانین کی وجہ سے عوام کو مکانات کی تعمیر کے لئے کافی مشکلات درپیش ہیں۔ تنظیم، حکومت سے مطالبہ کرتی ہے کہ وہ دکشن کنڑا اور اُڈپی ضلع میں جاری زوننگ رگیولیشن ماسٹر پلان قانون کو ساحلی ضلع اترکنڑامیں بھی جاری کرتے ہوئے عوام کو راحت دیں۔

اس موقع پر تنظیم کے ذمہ داروں نے موصوف وزیر سے ملاقات کے دوران بھٹکل میں سردرد بنے راشن کارڈ مسئلے کو لے کر سہولیات فراہم کرنے اور نیشنل ہائی وے کی توسیع سے ہورہے کروڑوں جائیداد کے نقصانات کو بھی پیش کیا۔ اس موقع پر جنرل سکریٹری محی الدین الطاف کھروروی،نائب صدر عنایت اللہ شاہ بندری، رابطہ سوسائٹی کے جنرل سکریٹری محمد یونس قاضیا،اشفاق کے ایم  وغیرہ موجود تھے۔

ایک نظر اس پر بھی

بھٹکل تعلقہ کے شرالی ، ماولی اور ماروکیری  میں سہکاری سنگھ کے انتخابات : کانگریس ایک قدم آگے  

تعلقہ کے شرالی ، ماولی اور ماروکیری سہکاری سنگھ کے لئے ہوئے انتخابات کے ووٹوں کی گنتی سنیچر کی رات تک  جاری ہے، سبھی تینوں سنگھ میں کانگریس کے حمایت یافتہ ممبران کا قتدار حاصل کرنا تقریباً طئے ہے۔

اترکنڑا ضلع میں پچھلے تین برسوں میں 273چوری کی وارداتیں: سواریوں کی چوری میں اضافہ،عوام میں تشویش کی لہر

اگر پچھلے 2برسوں کا جائزہ لیں تو ضلع میں دوکانوں اور گھرچوری کے واقعات میں کمی آئی ہے البتہ سواریوں کے چوری واقعات میں اضافہ ہونا تشویش کی بات ہے۔ گذشتہ 3برسوں میں 273چوری کی وارداتیں پیش آئی ہیں ، کئی اہم شہروں اور مقامات پر سی سی ٹی وی کیمرے نہ ہونا چور وں کے لئے فائدہ مند ثابت ...

مرکزی حکومت’’مدرسوں پرتالا‘‘نہیں بلکہ’’فارمل تعلیم کی مالا‘‘چاہتی ہے،برج کورس کے کا میاب طلبہ وطالبات کومختارعباس نقوی نے اسنادتقسیم کیں

مرکزی اقلیتی امورکے وزیرمختارعباس نقوی نے آج کہاہے کہ مرکزی حکومت’’مدرسوں پرتالا‘‘نہیں بلکہ’’فارمل تعلیم کی مالا‘‘چاہتی ہے۔یہاں وزارت برائے اقلیتی اموراورجامعہ ملیہ اسلامیہ کی جانب سے مشترکہ طورسے مدرسے طلبہء4 اوراسکول ڈراپ آؤٹس کے لئے چلائے جارہے’’برج کورس‘‘میں ...

ہوناور میں مہلوک پریش میستا کے والد کے بیان پر کانگریس کے جگدیپ کا پلٹ وار؛ کہا کانگریس والے ڈاکٹر نہیں ہیں کہ وہ پریش میستا کی موت کو فطری موت کہیں

پریش میستا کی مشتبہ ہلاکت کے سلسلے میں ہورہی سست رفتار تحقیقات کے خلاف  ہوناور بلاک کانگریس  کی جانب سے کی گئی  بھوک ہڑتال کے ساتھ احتجاج  کرنے پر مہلوک پریش کے والد کملاکر میستا نے بھوک ہڑتال کو  فریبی چال اور دکھاوا قرار دیا تھا، ان کے  الزام سے صریح انکار کرتے ہوئے ہوناور ...