7اگست سے حج پروازوں کا آغاز ریاستی عازمین کو کسی دشواری کا سامنانہیں ہوگا:روشن بیگ کا تیقن

Source: S.O. News Service | By Shahid Mukhtesar | Published on 17th July 2017, 11:33 AM | ریاستی خبریں |

بنگلورو،16؍جولائی(ایس او نیوز) امسال ریاستی حج کمیٹی کے ذریعہ حج بیت اﷲ کیلئے روانہ ہونے والے عازمین کے لئے فلائٹس کا آغاز 7اور8 اگست کی درمیانی شب سے ہوجائے گا ۔ہرسال کی طرح امسال بھی عازمین کو کسی بھی طرح کی دشواری کا سامنا نہ ہواس کو یقینی بناتے ہوئے ہوائی جہازوں کے اوقات رات میں طے کئے گئے ہیں ۔یہ بات ریاستی وزیربرائے حج وشہری ترقیات آرروشن بیگ نے بتائی۔ بنگلوروپیالیس کے ٹینس پویلین میں عازمین حج کے تربیتی کیمپ کے دوران اردو میڈیا سے بات چیت کرتے ہوئے بتایا کہ عازمین حج سے انہوں نے یہی گزارش کی ہے کہ حج کیمپ میں اپنی بکنگ اور روانگی نیز ہر مرحلہ میں وقت کی پابندی کا خاص طورسے اہتمام کریں تاکہ کسی ایک کی تاخیر کے سبب دیگر عازمین کو پریشانیوں کا سامنا نہ کرنا پڑے۔ انہوں نے بتایا کہ حاجیوں کا سفر پورے آرام سے گزرے اس مقصد کے تحت وہ اورحج کیمپ کا ہر رضاکار ہمہ وقت کوشش میں رہتا ہے ۔ روشن بیگ نے بتایا کہ ہوائی جہازوں کے اوقات اس مناسبت سے طے کئے گئے ہیں کہ رات میں شہر گلستان میں عشاء کی نماز ادا کرکے روانہ ہونے والے عازمین سرزمین حجاز میں فجرکی نماز ادا کرسکیں ۔انہوں نے بتایا کہ پہلی مرتبہ عازمین حج کے لئے جدہ ہوائی اڈہ پر کھانے کے انتظام کے طورپر یہیں سے کھانے کے پیکٹس مہیا کروائے جائیں گے تاکہ عازمین کو جدہ ہوائی اڈہ میں پہنچتے ہی بھوک کی وجہ سے پریشانی محسوس نہ ہو۔ انہوں نے بتایا کہ اس سلسلے میں وہ کل 17جولائی کو خود حج کمیٹی کے ذمہ داروں کے ساتھ شہرکے بین الاقوامی ہوائی اڈہ پہنچ کر ایرانڈیا اورایرپورٹ اتھارٹی آف انڈیا کے اعلیٰ افسروں سے بات چیت کرتے ہوئے جانچ بھی کریں گے ۔ مسٹر روشن بیگ نے بتایا کہ امسال جملہ 14 ہوائی جہاز ریاستی عازمین کو لے کر جدہ کے لئے اڑان بھریں گے ۔ تمام کے تمام ہوائی جہاز رات 12.40 بجے روانہ ہوں گے ۔ انہوں نے بتایا کہ 7اور8 اگست کی درمیانی شب سے ہوائی جہازوں کا آغازہوگا۔ عازمین کا آخری ہوائی جہاز 21 اگست کو روانہ ہوگا۔ انہوں نے بتایا کہ ایرانڈیا کے ہوائی جہاز جس میں 340 عازمین کی گنجائش ہے اڑان بھریں گے۔ عازمین کی واپسی کا سلسلہ 21ستمبر سے ہوگا۔ریاستی حج کمیٹی کے تمام عازمین مدینہ منورہ کے ہوائی اڈہ سے راست بنگلور پہنچیں گے ۔انہوں نے بتایا کہ اس مرتبہ حج کے سفرکی مدت 45 دنوں کی رہے گی۔ الحاج روشن بیگ نے بتایا کہ 5اگست سے غالباً حج ہاؤز میں حاجیوں کی آمد کا سلسلہ شروع ہوجائے گا اور 7اگست سے باضابطہ ہوائی جہازوں کی روانگی کا سلسلہ چل پڑے گا۔ انہوں نے بتایا کہ حج فلائٹس کے جلسہ کا حسب روایت ریاستی وزیراعلیٰ سدارامیا افتتاح کریں گے اوراس جلسہ میں شرکت کے لئے مرکزی اورریاستی وزراء ،عمائدین اورعلمائے کرام کو مدعو کیا جائے گا۔

ایک نظر اس پر بھی

قمرالاسلام اور امیرشریعت کے انتقال پر غلام نبی آزاد کے تعزیتی کلمات

سینئر کانگریس رہنما اور راجیہ سبھا کے اپوزیشن لیڈر غلام نبی آزاد نے کرناٹک کی دو قد آور مسلم شخصیتوں امیر شریعت کرناٹک مفتی محمد اشرف علی صاحب اور سابق ریاستی وزیر و اے آئی سی سی سکریٹری ڈاکٹر قمر الاسلام کی رحلت پر اپنے گہرے صدمہ کا اظہار کیا ہے۔

سرکاری اعزازکے ساتھ قمرالاسلام سپردخاک، ہزاروں غمخواروں نے پرنم آنکھوں سے اپنے محبوب لیڈر کو وداع کیا

حیدرآباد کرناٹک علاقہ کے ممتاز قائد الحاج قمرالاسلام رکن اسمبلی وسابق ریاستی وزیر کے جسد خاکی کو آج بعدنماز عصر کلبرگی میں سرکاری اعزاز کے ساتھ سپرد خاک کردیا گیا۔

الحاج قمرالاسلام کی وفات پرمولانااسرارالحق قاسمی کااظہارتعزیت

عالم دین وممبرپالیمنٹ مولانااسرارالحق قاسمی نے کرناٹک کے معروف سیاسی رہنمااورگلبرگہ سے ممبراسمبلی الحاج قمرالاسلام کے انتقال پر اپنے دلی رنج وغم کا اظہار کرتے ہوئے اپنے تعزیتی بیان میں کہاکہ مرحوم ایک سرگرم سیاسی رہنماہونے کے ساتھ مسلمانوں کے ملی مسائل سے بھی دلچسپی رکھتے ...

بھٹکل میونسپالٹی عمارت پر پتھرائو کا معاملہ؛ بی جے پی لیڈرس گوند نائک اور کرشنا نائک سمیت چارگرفتار

 بھٹکل میونسپالٹی عمارت پر پتھرائو ، توڑپھوڑ اور پولس عملہ پر حملہ کے تعلق سے پولس نے ایک بڑی کاروائی کرتے ہوئے بی جے پی لیڈر گوند نائک کو آج  گرفتار کرلیا ہے۔ ذرائع سے ملی اطلاع کے مطابق پولس  ہبلی کے ایک مکان سے تین لوگوں کو گرفتار کرنے میں کامیاب ہوئی ہے، جبکہ ایک سنگھ کا ...

بھٹکل میونسپالٹی عمارت پر پتھرائو کا معاملہ؛ایم پی شوبھا کرندلاجے نے پولس سے کہا؛ بی جے پی کارکنان کی گرفتاری بند کی جائے؛ لیڈران کو گرفتار کرنے کی صورت میں دی دھمکی

بی جے پی لیڈر شوبھا کرندلاجے نے آج منگل کو بھٹکل ٹائون پولس تھانہ پہنچ کر بھٹکل ڈی وائی ایس پی سے نہایت ترش لہجہ میں کہا کہ وہ بی جے پی کارکنان کی گرفتاری کا سلسلہ فوری طور پر بند کرے۔ شوبھا نے کہا کہ پولس نے اب تک 9 لوگوں کو گرفتار کیا ہے، اگر پولس مزید لوگوں کو گرفتار کرتی ہے تو ...

بی جے پی لیڈر شوبھا کرندلاجے کا بھٹکل دورہ ؛ کانگریس پر بھٹکل سے ہندووں کو بھگانے کی کوشش کا الزام؛ مزید گرفتاریوں پربرے نتائج کی دھمکی

ریاست کی کانگریس حکومت کے وزیر اعلیٰ سدرامیا کی سرکار ہندؤوں کو بھٹکل سے بھگانے کی کوشش کئے جانے کا ریاستی بی جے پی کی جنرل سکریٹری اور اُڈپی چک مگلورو حلقہ کی رکن پارلیمان شوبھا کرندلاجے نے الزام لگایا۔